ଶୀତଋତୁରେ ପ୍ରତିଦିନ ପିଲାଙ୍କୁ ଦିଅନ୍ତୁ ଖାଇବାକୁ ମାତ୍ର ଗୋଟିଏ ଚାମଚ ଦେଶୀ ଘିଅ, ଯାହା ଇମ୍ୟୁନିଟି ବଢାଇବା ସହିତ ଦୂରେଇ ରଖିଥାଏ ବିଭିନ୍ନ ରୋଗ ନିକଟରୁ

ଦେଶୀ ଘିଅ ଭାରତୀୟ ସଂସ୍କୃତିର ଗୋଟିଏ ମୁଖ୍ୟ ଅଂଶ, ପୂଜାପାଠ ହେଉ କିମ୍ବା ବିବାହ ମୋହତ୍ସବ ସବୁଠି ଦେଶୀ ଘିଅର ଆବଶ୍ୟକତା ପଡିଥାଏ l କିନ୍ତୁ ଅନେକ ସମୟରେ ଫିଟନେସ ରୁଟିନ କୁ ଫଲୋ କରୁଥିବା ଲୋକେ ଦେଶୀ ଘିଅକୁ ନେଇ ଅନେକ ପ୍ରଶ୍ନ ଉଠାଇ ଥାଆନ୍ତି l କଣ ପ୍ରତ୍ୟେକ ଦିନ ଗୋଟିଏ ଚାମଚ ଘିଅ ଖାଇ ହେବ? କଣ ଏହାଦ୍ୱାରା ଓଜନ ବୃଦ୍ଧି ହେବାର ସମ୍ଭାବନା ରହିଛି ? କୌଣସି ସ୍ୱାସ୍ଥ୍ୟଗତ ସମସ୍ୟାର ସମ୍ମୁଖୀନ ହେବାକି ଏଭଳି ଅନେକ ପ୍ରଶ୍ନ ଉଠିଥାଏ l

ଆୟୁର୍ବେଦ ଅନୁସାରେ ଦେଶୀ ଘିଅ ଓ ରକ୍ତ ସଂଚାଳନ ଭଳି ଅନେକ ସମସ୍ୟା ଦୂର ହୋଇଥାଏ l ଏହା ପେଟ ପାଇଁ ଖୁବ ହିତକର ହୋଇଥାଏ l ଇଣ୍ଡିଆନ ଏକ୍ସପ୍ରେସ ର ମତ ଅନୁସାରେ ଯଶୋଦା ହସ୍ପିଟାଲ ହାଇଦ୍ରାବାଦ ର ଚିକିତ୍ସକ ଙ୍କ ମତ ଅନୁସାରେ ପ୍ରତିଦିନ ଗୋଟିଏ ଛୋଟ ଚାମଚ ଘିଅ ଖାଇବା ଦ୍ୱାରା ଜଏଣ୍ଟ ମଜବୁତ ହୋଇଥାଏ, ଏବଂ ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ଦୂର ହୋଇଥାଏ l

– ଦେଶୀ ଘିଅ ସେବନ ଦ୍ୱାରା ଛୋଟ ପିଲାଙ୍କର ମସ୍ତିଷ୍କ ର ଶକ୍ତି ବୃଦ୍ଧି ହୋଇଥାଏ l ସ୍ମରଣ ଶକ୍ତି ବୃଦ୍ଧି ହୋଇଥାଏ l ଚକ୍ଷୁର ଦୃଷ୍ଟିଶକ୍ତି ବୃଦ୍ଧି ହୋଇଥାଏ ଓ ଇମ୍ୟୁନିଟି ବଢ଼ିବାରେ ସାହାଯ୍ୟ କରିଥାଏ l

– ଘିଅ ରେ ହେଲଦି ଫ୍ୟାଟ ରହିଥାଏ , ଏହା ଫ୍ୟାଟି ଏସିଡ ର ଗୋଟିଏ ଭଲ ସୋର୍ସ ଅଟେ l ଏହି ଫ୍ୟାଟ ରେ ଭିଟାମିନ ଏ, ଇ ଓ ଡି ରେ ଭରପୁର ହୋଇଥାଏ l ଯାହାକି ଶରୀରର ସମଗ୍ର ସ୍ୱାସ୍ଥ୍ୟ ପ୍ରତି ଠିକ ରଖିବାରେ ମୁଖ୍ୟ ଭୂମିକା ଗ୍ରହଣ କରିଥାଏ l

– ଏହାଛଡା ଦେଶୀ ଘିଅରେ ବ୍ୟୁଟିରିକ ଏସିଡ ରହିଥାଏ, ଯାହାକି ଗୋଟିଏ ପ୍ରକାରର ଆଣ୍ଟି ଏଂଫ୍ଲାମେଟାରି ଗୁଣ ଅଟେ l ଯାହାକି ତ୍ୱଚାରେ ଚମକ ଆଣିଥାଏ ଓ ତ୍ୱଚା କୁ ରିପେୟାର କରିଥାଏ l

– ପ୍ରତିଦିନ ଗୋଟିଏ ଚାମଚ ଲେଖାଏଁ ଦେଶୀ ଘିଅ ସେବନ କରିବା ଦ୍ୱାରା ଆଣ୍ଠୁ-ଗଣ୍ଠି ଜନିତ ବିଭିନ୍ନ ସମସ୍ୟା ଦୂର ହୋଇଥାଏ l ଏବଂ ଜଏଣ୍ଟ ମଜବୁତ ହୋଇଥାଏ l ଏହାଛଡା ସ୍ୱାସ୍ଥ୍ୟ ସମ୍ବନ୍ଧୀୟ ବିଭିନ୍ନ ସମସ୍ୟା ଦୂର ହୋଇଥାଏ l ବିଶେଷ ଭାବରେ ୪୦ ବର୍ଷରୁ ଉର୍ଧ୍ଵ ବୟସର ବ୍ୟକ୍ତି ଗୋଟିଏ ସୀମିତ ମାତ୍ରାରେ ଦେଶୀ ଘିଅ ସେବନ କରିବା ଆବଶ୍ୟକ l କିନ୍ତୁ ଏହା ସମ୍ପୂର୍ଣ ଘରର ଦେଶୀ ଘିଅ ହୋଇଥିବା ଜରୁରୀ l