ତିହିଡି, ୨୯/୦୮(ଯଦୁମଣି ପାଣିଗ୍ରାହୀ ): ଦିନକୁ ଦିନ ଦୋକାରୁ ତାଲା ଭାଙ୍ଗି ଚୋରୀ ହେଉଥିବା ବେଳେ ପୁଣି ଭଦ୍ରକ ଜିଲ୍ଲା ତିହିଡି ଥାନାଧିନ କମାରିଆ ବଜାରରୁ ଚୋରି ହୋଇଥିବା ସୂଚନା ମିଳିଛି । କମାରିଆ ବଜାରରେ ଥିବା ନବ କିଶୋର ସାହୁଙ୍କ ପୂଜା ସାମଗ୍ରୀ ଦୋକାନର ତାଲା ଭାଙ୍ଗି ୪୨ହଜାର ଟଙ୍କା ଚୋରି ହୋଇଥିବାର ସୂଚନା ମିଳିଛି ।
ଏ ସମ୍ପର୍କରେ ଶ୍ରୀ ସାହୁ ଥାନାରେ ଏତଲା ଦେବା ସହ ଅଭିଯୁକ୍ତମାନଙ୍କୁ ଧରିବା ଲାଗି ଦାବି କରିଛନ୍ତି । ଗତ କିଛି ଦିନ ତଳେ ଏହି କମାରିଆ ବଜାରରେ ଦୁଇ ଥର ଚୋରି ହୋଇଥିଲା । ପୁଣି ନନ୍ଦପୁର ବଜାରରେ ଏକ ସିରିଜ୍ ଚୋରୀରେ ୫ଟି ଦୋକାନରେ କଳାକନା ବାହା ବୁଲାଇଥିଲେ ଦୁର୍ବୁତ୍ତ । ଏବଂ ଗତ ସପ୍ତାହରେ ବଉଳପାଳ ଛକର ପାନ ଦୋକାନରୁ ଚୋରି ହୋଇଥିବା ବେଳେ ଏଯାଏଁ ପୁଲିସି କାହାରିକୁ ଧରିନଥିବା ଜଣାଯାଇଛି ।
