ତିହିଡି,୨୮/୧୦(ଯଦୁମଣି ପାଣିଗ୍ରାହୀ): ତିହିଡି ତହସିଲରେ କାର୍ଯ୍ୟରତ ରେଭିନୁ୍ୟ ସୁପରଭାଇଜର ବିକାଶ କୁମାର ଦାସଙ୍କୁ ନିଲମ୍ବିତ କରାଯାଇଛି । ଆଜି ଜିଲ୍ଲାପାଳ ତାଙ୍କ ଚିଠି ନଂ-୨୩୬୮/୨୮-୧୦-୨୪ ବଳରେ ତାଙ୍କୁ ସରକାରୀ କାର୍ଯ୍ୟରେ ଗୁରୁତର ଅବହେଳା ଲାଗି ନିଲମ୍ବିତ କରିଛନ୍ତି । ପ୍ରକାଶ ଯେ, ବାତ୍ୟା ‘ଦାନା’ ସମୟରେ ଶ୍ରୀ ଦାସ ଯାମଜୋଡି ବାତ୍ୟା ଆଶ୍ରୟସ୍ଥଳୀରେ ନୋଡାଲ ଅଫିସର ଭାବେ ଦାୟିତ୍ୱରେ ଥିଲେ । ଏଭଳି ଆପଦକାଳୀନ ପରିସ୍ଥିତି ସମୟରେ ନିଜର କାର୍ଯ୍ୟ ନିଜର ଦାୟିତ୍ୱ ସୂଚାରୁ ରୂପେ ସମ୍ପାଦନ କରିବା ପରିବର୍ତ୍ତେ ମଦ୍ୟପାନ କରି ଉଚ୍ଚ ପ୍ରଶାସନିକ ଅଧିକାରୀଙ୍କ ନିଦେ୍ର୍ଦଶକୁ ବେଖାତିର କରିବା, ଅଶାଳୀନ ବ୍ୟବହାର କରିବା ସହ ହିଂସାତ୍ମକ ଆଚରଣ ପ୍ରଦର୍ଶନ କରିବା ନେଇ ଜିଲ୍ଲାପାଳଙ୍କୁ ରିପୋର୍ଟ ପ୍ରଦାନ କରାଯାଇଥିଲା । ଏହି ଆଧାରରେ ଜିଲ୍ଲାପାଳ ଦିଲ୍ଲୀପ ରାଉତରାୟ ସୁପରଭାଇଜର ଶ୍ରୀ ଦାସଙ୍କ ବିରୋଧରେ ଏହି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଏବେ ଠାରୁ ସୁପରଭାଇଜର ଶ୍ରୀ ଦାସ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଉପସ୍ଥିତ ରହିବାକୁ ଜିଲ୍ଲାପାଳ ତାଙ୍କ ଚିଠିରେ ଉଲ୍ଲେଖ କରିଛନ୍ତି ।
