ସିନାପାଲି : ପଡ଼ା ଜିଲ୍ଲା ସିନାପାଲି ବ୍ଲକ ଗୋର୍ଲା ଠାରେ ଆୟୋଜିତ କେଶବ ମେମୋରିଆଲ ଫୁଟବଲ ଟୁର୍ଣାମେଣ୍ଟ ଉଦଘାଟିତ ହୋଇ ଯାଇଛି। ଉଦଘାଟିତ ମ୍ୟାଚ ରେ ବୋଡ଼େନ ଏକାଦଶ ଓ ଚଟିଆଗୁଡା ଏକାଦଶ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଚଟିଆଗୁଡା ଏକାଦଶ ୧- ୦ ଗୋଲ ରେ ବିଜୟ ଲାଭ କରିଥିଲା। ଦ୍ବିତୀୟ ମ୍ୟାଚ ରେ କଇଁଟପଦର ଏକାଦଶ ଓ ବର୍ତ୍ତନଶିଲ ଏକାଦଶ ମଧ୍ୟରେ ମୁକାବିଲା ହୋଇଥିଲା। ଏଥିରେ ବର୍ତ୍ତନଶିଲ ଏକାଦଶ ୧- ୦ ଗୋଲ ରେ ବାଜିମାତ ମାରି ବିଜୟ ଲାଭ କରିଥିଲା। ଉଦଘାଟନୀ ଅବସର ରେ ମୁଖ୍ୟ ଅତିଥି ଭାବରେ ଡୋଳାମଣି ଘିଭେଲା ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବରେ ପୂର୍ବତନ ସରପଞ୍ଚ ଦିଲୀପ ମାଝି, ଶିକ୍ଷାବିତ ତ୍ରିନାଥ ନାଗ, ହରିନନ୍ଦ ନାଗ, ଦିନେଶ ଦଣ୍ଡସେନା,ଡମ୍ବରୁଧର ଲୋହାର, ବନ ମାଝି, ସୋମନାଥ ନାୟକ ପ୍ରମୁଖ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରିଥିଲେ। ଏହି ପ୍ରତିଯୋଗିତାରେ ସର୍ବମୋଟ ୧୬ ଗୋଟି ଦଳ ଅଂଶ ଗ୍ରହଣ କରିଥିବା ବେଳେ ଆସନ୍ତା ୭ତାରିଖ ଦିନ ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ଜଣାପଡ଼ିଛି। ଏହି ପ୍ରତିଯୋଗିତା ରେ ନୂଆପଡ଼ା ଜିଲ୍ଲା ର ଅନେକ ଦଳ ଅଂଶ ଗ୍ରହଣ କରିଥିବା ଜଣାପଡିଛି। ଉଦଘାଟନୀ ମ୍ୟାଚ ରେ ତାପସି ପତି ଖେଲ ପରିଚାଳନା କରିଥିବା ବେଳେ ଲାଇନ୍ ମ୍ୟାନ ଭାବରେ ଲିଲୁ ଭୋଇ ଓ ଦେବେନ୍ଦ୍ର ପୁଞ୍ଜି ଦାୟିତ୍ୱ ତୁଲାଇଥିଲେ। ବନ ମାଝି, ଚନ୍ଦ୍ରଧ୍ଵଜ ମାଝି, ଗୋବର୍ଦ୍ଧନ ନାଗ, ଈଶ୍ୱର ମାଝି, ଲୋକେନ୍ଦ୍ର ମାଝି, ଦିନେଶ ମେହେର, ରାମ ପ୍ରାସାଦ ଜଗତ ପ୍ରମୁଖ ପ୍ରତିଯୋଗିତାରେ ସହଯୋଗ କରୁଛନ୍ତି। ଉପାନ୍ତ ଅଞ୍ଚଳରେ ଏହି ପ୍ରତିଯୋଗିତା ହେଉଥିବା ବେଳେ ବେଶ ଦର୍ଶକ ମାନଙ୍କ ଭିଡ ଜମାଉଛନ୍ତି
