ପାରାଦୀପ : ଦୂର ସମୁଦ୍ର ମଧ୍ୟରୁ ମିଳିଲା ଏକ ସନ୍ଦିଗ୍ଧ ଯୁବକ | ମିଳିଥିବା ଯୁବକ କୁ ପାରାଦୀପ ମେରାଇନ ପୋଲିସ କୁ ହସ୍ତାନ୍ତର କରିଛନ୍ତି ମତ୍ସ୍ୟ ଜୀବି | ଗତକାଲି ବିଳମ୍ବିତ ରାତିରେ ସମୁଦ୍ର ଉପକୁଳ ରୁ 71 ନଟିକାଲ ମାଇଲ ଦୂରରେ ମାଛ ଧରିବାକୁ ଯାଇଥିବା ଓମ୍ ନମଃ ଶିବାୟ ଟ୍ରଲର ଟି ଲଙ୍ଗର କରିଥିବା ବେଳେ ସମ୍ପୃକ୍ତ ଯୁବକ ଜଣଙ୍କ ଟ୍ରଲର ଉପରକୁ ଚଢି ଯାଇଥିଲେ | ଟ୍ରଲର ରେ ଥିବା କର୍ମଚାରୀ ମାନେ ଅଜଣା ବ୍ଯକ୍ତି ଙ୍କୁ ଦେଖି ଭୟଭୀତ ହେବା ସହ ପୋଲିସ କୁ ଖବର ଦେଇଥିବା ଓ ପୋଲିସ ନିର୍ଦ୍ଦେଶ ରେ ତାଙ୍କୁ ପାରାଦୀପ ଆଣି ମେରାଇନ ପୋଲିସ କୁ ହସ୍ତାନ୍ତର କରିଛନ୍ତି | ସମ୍ପୃକ୍ତ ଯୁବକ ଙ୍କୁ ପୋଲିସ ପ୍ରଥମେ ଅଠରବାଙ୍କୀ ମେଡିକାଲ୍ କୁ ନେଇ ସ୍ୱାସ୍ଥ୍ୟ ଅବସ୍ତା ଜାଞ୍ଜ ପରେ ମେରାଇନ ଥାନା ରେ ରଖି ପଚରାଉଚରା ଜାରି ରଖିଛି | ଯୁବକ ଜଣଙ୍କ ଝାଡଖଣ୍ଡ ଅଞ୍ଚଳର କୁଶ ତିର୍କୀ ଓରାଓଁ ବୋଲି କହୁଥିବା ବେଳେ ସେ ବିଭିନ୍ନ ସମୟରେ ବିଭିନ୍ କଥା କହୁଥିବା ଜଣାପଡିଛି | ତେବେ ସେ ଜଣେ ମାନସିକ ବିକାର ଗସ୍ତ ରୋଗୀ କିମ୍ବା ଧରାପଡିବା ପରେ ଏଭଳି ଅଭିନୟ କରୁଛନ୍ତି ତାହା ତଦନ୍ତ କରୁଛି ପୋଲିସ | ତେବେ ସେ ଦୂର ସମୁଦ୍ର ମଧ୍ୟକୁ କେମିତି ଗଲେ , ସେ ଏକା କି ତାଙ୍କ ସହ ଆଉ କିଏ ଥିଲେ ଓ ଅଥଳ ଜଳ ରାଶି କୁ ସେ କିଭଳି ଗଲେ ତାହା ତଦନ୍ତ କରିବା ରେ ଲାଗୀ ପଡିଛନ୍ତି ପୋଲିସ |
