ଫୁଲବାଣୀ (ସନ୍ତୋଷ ମିଶ୍ର ): ଆଜି କନ୍ଧମାଳ ଜିଲ୍ଲା ରାଇକିଆ ଥାନା ପୋଲିସ ଏକ ଅଟୋରୁ ବିପୁଳ ପରିମାଣର ମହୁଲ ଚାଲାଣ ବେଳେ ଜବତ କରିଛି । ଆଜି ପୋଲିସ ପେଟୋ୍ରଲିଙ୍ଗ ବେଳେ ଗୋଟିଏ ଅଟୋରେ ବସ୍ତାରେ ଭରା ହୋଇଥିବା ମହୁଲକୁ ଦେଖିବାପରେ ପୋଲିସ ଅଟୋକୁ ଅଟକାଇ ତଲାସି ନେବାବେଳେ ସେଥିରୁ ୪ଟି ବସ୍ତାରେ ପ୍ରାୟ ୨୦୦ କିଗ୍ରା ମହୁଲ ପୋଲିସ ପାଇଥିଲା ।
ପୋଲିସ ସମ୍ପୃକ୍ତ ଅଟୋ ଓ ମହୁଲକୁ ଜବତ କରିବା ସହିତ ସେଥରରେ ଥିବା ଅଚୁ୍ୟତାନନ୍ଦ ଦିଗାଲ ଓ ବୁଲୁ ନାୟକ ନାମକ ଦୁଇଜଣଙ୍କୁ ଗିରଫ କରିଛି ପୋଲିସ । ସେମାନଙ୍କ ନାମରେ ଏକ ମାମଲା ରୁଜ୍ଜୁ କରିବା ସହିତ ସେମାନଙ୍କୁ କୋର୍ଟ ଚାଲାଣ କରିଥିବା ଜଣାପଡିଛି । ସେମାନେ ଏହି ମହୁଲକୁ ଦେଶୀ ମଦ ତିଆରି କରିବାପାଇଁ ଚାଲାଣ କରୁଥିବା ପୋଲିସ ଆଗରେ କହିଛନ୍ତି ।
