ପାକିସ୍ତାନରେ ପ୍ରେମ ହେଉଛି ଅପରାଧ : ଭାଇରାଲ ହେଲା ପ୍ରେମ ନିବେଦନ ଭିଡିଓ , ମିଳିଲା ଏପରି ଦଣ୍ଡ

ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଗୋଟିଏ ଭିଡିଓ ଖୁବ ଭାଇରାଲ ହେଉଛି l ଏହି ଭିଡିଓରେ ଦେଖିବାକୁ ମିଳିଛି ଗୋଟିଏ ପୁଅ ଓ ଝିଅ ଉଭୟ ଉଭୟଙ୍କୁ ପ୍ରେମ ନିବେଦନ କରୁଛନ୍ତି l କିନ୍ତୁ ଏହି ଭିଡିଓଟି ସେମାନଙ୍କୁ ଅଟେ ଭାରି ପଡିଯିବ ଏବିଷୟରେ ସେମାନେ ଜାଣି ନଥିଲେ l ଉକ୍ତ ଭିଡ଼ିଓଟି ହେଉଛି ପାକିସ୍ତାନର ଲାହୋର ବିଶ୍ୱବିଦ୍ୟାଳୟର l ଏହି ବିଶ୍ୱବିଦ୍ୟାଳୟର ଜଣେ ଛାତ୍ର ଓ ଛାତ୍ରୀଙ୍କୁ ଏଥିପାଇଁ ନିଲମ୍ବିତ କରାଗଲା କାରଣ ଛାତ୍ରୀ ଜଣଙ୍କ ସମସ୍ତଙ୍କ ଆଗରେ ଆଣ୍ଠୁରେ ବସି ପ୍ରେମ ନିବେଦନ କରିଥିଲେ l ସେ ହାତରେ ଫୁଲ ଧରି ଛାତ୍ରଙ୍କୁ ଏପରି ନିବେଦନ କରିଥିଲେ ଯେ ଯାହାର ଭିଡିଓ କରିବା ପାଇଁ ସେଠାରେ ଭିଡ଼ ଜମିଯାଇଥିଲା l

ଉକ୍ତ ଛାତ୍ର ଜଣଙ୍କ ଏହାପରେ ଛାତ୍ରୀଙ୍କୁ ଆଲିଙ୍ଗନ କରିଥିଲେ l ପାକିସ୍ତାନର ଜଣେ ପତ୍ରକାର ଲେଖିଥିଲେ ଯେ ଲାହୋର ବିଶ୍ୱବିଦ୍ୟାଳୟର ପ୍ରଶାସନ ସାର୍ବଜନିକ ଭାବରେ ଏହି ପଦର୍ଶନ ପାଇଁ ଉକ୍ତ ଛାତ୍ରଛାତ୍ରୀଙ୍କୁ ନିଲମ୍ବିତ କରିଛନ୍ତି l ଲାହୋର ବିଶ୍ୱବିଦ୍ୟାଳରେ ବିଶେଷ ଅନୁଶାସନ ସମିତି ଶୁକ୍ରବାର ଦିନ ବୈଠକ ଡାକିଥିଲେ ଓ ଏହି ଦୁଇଜଣଙ୍କୁ ବିଶ୍ୱବିଦ୍ୟାଳୟରୁ ନିଲମ୍ବିତ କରିବା ପାଇଁ ନିଷ୍ପତି ନେଇଥିଲେ l ବିଶ୍ୱବିଦ୍ୟାଳୟର ଅଧିକାରୀଙ୍କ ବୟାନରେ ଦୁଇଜଣଙ୍କୁ ବିଶ୍ୱବିଦ୍ୟାଳୟ ଭିତରକୁବି ଆସିବା ପାଇଁ ପ୍ରତିବନ୍ଧକ ଲାଗ ଯାଇଛି l ବିଶ୍ୱବିଦ୍ୟାଳୟ ପ୍ରଶାସନ ପକ୍ଷରୁ କୁହାଯାଇଛି ଯେ ଏପରି କାର୍ଯ୍ୟକଳାପ ବିଶ୍ୱବିଦ୍ୟାଳୟ ପରିସରରେ ବର୍ଜନୀୟ ଅଟେ l

ଉକ୍ତ ଛାତ୍ରଛାତ୍ରୀ ନିୟମ ଉଲଂଘନ କରିଥିବା ହେତୁ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି l ଏହାପରେ ଭିଡ଼ିଓଟି ଇଣ୍ଟରନେଟରେ ଭାଇରାଲ ହୋଇଥିଲା ଓ ଲୋକମାନଙ୍କର ପ୍ରତିକ୍ରିୟା ଆସିଥିଲା l ପାକିସ୍ତାନର ପୂର୍ବ କ୍ରିକେଟର ଆକ୍ରଙ୍କର ପତ୍ନୀ ଟ୍ୱିଟ କରି ଲେଖିଛନ୍ତି “ଆପଣ ଯାହା ଚାହିଁବେ ତାହା ଲାଗୁକରି ପାରିବେ ,କିନ୍ତୁ ପ୍ରେମକୁ ହୃଦୟରୁ ବାହାରକରି ପାରିବେ ନାହିଁ ଯାହା ଆମ ମନରେ ରହିଛି l “ପାକିସ୍ତାନର ପୂର୍ବ ପ୍ରଧାନମନ୍ତ୍ରୀ ବେଞ୍ଜିରଭୁଟଙ୍କ ଝିଅ ଲେଖିଛନ୍ତି ବିଶ୍ୱବିଦ୍ୟାଳୟର ଏପରି କାର୍ଯ୍ୟକଳାପ ବେକାର ଅଟେ l