ନୂଆପଡ଼ା -୨୬/୧୨ (ସୁରେନ୍ଦ୍ର ତିୱାରୀ ) ଜିଲ୍ଲା ସଦର ମହକୁମା ସ୍ଥିତ ନେସନାଲ କଲେଜ ଠାରେ ସ୍ବର୍ଗତ ପ୍ରଫେସର ଡ.ସଞ୍ଜୟ କୁମାର ଶତପଥୀଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ଏ ଉପଲକ୍ଷେ ଏକ ଶ୍ରଦ୍ଧାଞ୍ଜଳୀ ସଭା ରେ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକାଙ୍କ ଦ୍ଵାରା କଲେଜ ଅଡିଟୋରିୟମ ରେ ସ୍ବର୍ଗତ ପ୍ରଫେସର ଡ. ସଞ୍ଜୟ କୁମାର ଶତପଥୀ ଙ୍କ ସ୍ମୃତି ଚାରଣ କରାଯାଇଥିଲା । ସ୍ବର୍ଗତ ଶ୍ରୀ ଶତପଥୀ କଳାହାଣ୍ଡି ବିଶ୍ବ ବିଦ୍ୟାଳୟ କୁ ଏକ ସ୍ବତନ୍ତ୍ର ସ୍ଥାନ ପହଞ୍ଚାଇବା ରେ ଅତୁଳନୀୟ ଅବଦାନ ରହିଅଛି। କଲେଜ ଅଧ୍ୟକ୍ଷ ଶ୍ରୀ ହିତେଶ କୁମାର ସାହୁ ଙ୍କ ସଭାପତିତ୍ବରେ ଆୟୋଜିତ ସଭାରେ ଅଧ୍ୟାପକ ଦୁର୍ଲ୍ଲଭ ଚରଣ ବେହେରା, ବୈଦ୍ୟନାଥ ଗର୍ତିଆ, ମମତା ପଟ୍ଟନାୟକ, ନନ୍ଦିନୀ ମଞ୍ଜରୀ ହୋତା, ଜଗନ୍ନାଥ ମେହେର,ସଚିନ ବାବୁ, ଭେଙ୍କଟେସ ପ୍ରଧାନ, ପ୍ରକାଶ କୁମାର ସାହୁ ଉପସ୍ଥିତ ଥିଲେ,। ଆତ୍ମା ର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରାଯାଇ ତାଙ୍କ ଜୀବନ ପ୍ରତିଭା ର ଅନେକ ଉପଲବ୍ଧିର ସ୍ମୃତି ଚାରଣ ଉପସ୍ଥିତ ଅଟିଥିଗଣ କରିଥିଲେ।
