ନୂଆପଡ଼ା- ୨୨/୧୨ (ସୁରେନ୍ଦ୍ର ତିୱାରୀ) ନୂଆପଡା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ୱାର୍ଡ ନମ୍ବର ୮ ସାଲେଭଟା ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ବାର୍ଷିକ ଉତ୍ସବ ପାଳିତ ହୋଇ ଯାଇଛି | ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ନୂଆପଡା ବିଧାୟକ ରାଜେନ୍ଦ୍ର ଢୋଲକିଆ, ମୁଖ୍ୟ ବକ୍ତା ଭାବରେ ସିଟି ଶିକ୍ଷକ ସଂଘର ସଭାପତି ଅମିଲାଲ ଶବର, ସମ୍ମାନିତ ଅତିଥି ଭାବରେ ବିଦ୍ୟାଳୟ ସଭାପତି ଲିଲେଶ୍ୱରୀ ମାଝୀ ଏବଂ ଘନଶ୍ୟାମ ଭୋଇ ସଭାରେ ଯୋଗଦାନ କରି ଥିଲେ | ବିଦ୍ୟାଳୟର ପ୍ରଧାନ ଶିକ୍ଷକ ସାନ ପ୍ରଧାନ ଏବଂ ଶିକ୍ଷୟିତ୍ରୀ ରାଜେଶ୍ୱରୀ ପାଢ଼ୀ, କ୍ରିଷ୍ଣା ନନ୍ଦ, ସସ୍ମିତା ଗଡ଼ନାୟକ, ସରସ୍ବତୀ ଶବର, ରେଣୁବାଳା ସାମଲ, ମଧୁସ୍ମିତା ବାରିକ ଏବଂ ପୂର୍ବତନ ଏଆଇଏଫ ଶିକ୍ଷକ ଅନିଲ ତାଣ୍ଡି ପ୍ରମୁଖ ଏକତ୍ରିତ ହୋଇ ବିଦ୍ୟାଳୟରେ ଛାତ୍ର ଛାତ୍ରୀଙ୍କ ମଧ୍ୟରେ କ୍ରୀଡା ପ୍ରତିଯୋଗିତା ଆୟୋଜନ କରିଥିଲେ l ମୁଖ୍ୟ ଅତିଥିଙ୍କ ଦ୍ୱାରା ସମସ୍ତ କୃତି ଛାତ୍ର ଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇ ଉତ୍ସାହିତ କରାଯାଇଥିଲା l ଅନିଲ ତାଣ୍ଡି ଙ୍କ ପରିଚାଳନାରେ ଏକ ସାଂସ୍କୃତିକ କାର୍ଯ୍ୟକ୍ରମ ଛାତ୍ରଛାତ୍ରୀଙ୍କ ଦ୍ୱାରା ପରିବେଷଣ ହୋଇଥିଲା। ଉପରୋକ୍ତ ସମସ୍ତ କାର୍ଯ୍ୟକ୍ରମ କୁ ସିଆରସିସି ଜୀତେନ୍ଦ୍ର ଖମାରୀ ଭୂରି ଭୂରି ପ୍ରସଂଶା କରିଥିଲେ। ସବା ଶେଷରେ ବିଦ୍ୟାଳୟର ପ୍ରଧାନ ଶିକ୍ଷକ ସାନ ପ୍ରଧାନ କାର୍ଯ୍ୟକ୍ରମ ସଫଳତା ସହ ସମାପନ ହୋଇ ଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |
