ନୂଆପଡ଼ା – ୨୫/୧୧ (ସୁରେନ୍ଦ୍ର ତିୱାରୀ) କୋସଲି ସାଂସ୍କୃତିକ ମହୋତ୍ସବ ପାଳନ କମିଟି ପକ୍ଷରୁ ଆହୁତ ଏକ ସାମ୍ବାଦିକ ସମ୍ମିଳନୀ ସ୍ଥାନୀୟ ମିଶନ ଶକ୍ତି କେଫେ ପ୍ରାଙ୍ଗଣ ରେ ଅନୁଷ୍ଠିତ ହୋଇ ଯାଇଛି।ମହୋତ୍ସବ କମିଟି ର ସଭାପତି ସୁରଜିତ ସିଂ ମହାରଥା ଏ ସଂପର୍କ ରେ ସୁଚନା ପ୍ରଦାନ କରି ଏ ମହୋତ୍ସବ ର ଲକ୍ଷ୍ୟ ଓ ଆଭିମୁଖ୍ୟ ଉପରେ ଆଲୋକପାତ କରିଥିଲେ, କୋସଲି ସାଂସ୍କୃତିକ ମହୋତ୍ସବ ଆସନ୍ତା ୬ ଡିସେମ୍ବର ୨୦୨୪ ରୁ ଆରମ୍ଭ ହୋଇ ୧୦ ଡିସେମ୍ବର ଦିନ ସମାପନ ହେବ। ପାଞ୍ଚ ଦିନ ବ୍ୟାପି ଏ ମହୋତ୍ସବ ଜିଲ୍ଲା ସଦର ମହକୁମା ପୋଲିସ ପଡିଆ ସ୍ଥିତ ସାଂସ୍କୃତିକ ରଙ୍ଗ ମଞ୍ଚ ରେ ଆୟୋଜିତ ହେବ। ବିଭିନ୍ନ ଷ୍ଟଲ୍ ସହ ଖାଦ୍ୟ ପ୍ରେମିଙ୍କ ପାଇଁ ବିଭିନ୍ନ ସ୍ଥାନୀୟ ଖାଦ୍ୟ ଷ୍ଟଲ ଓ ମନୋରଞ୍ଜନ ବ୍ୟବସ୍ଥା ମଧ୍ୟ ରହିଛି। ସ୍ଥାନୀୟ କଳାକାର ବ୍ୟତୀତ ଓଡିଶା ର ବିଭିନ୍ନ ଜିଲ୍ଲାରୁ ବଛାବଛା ସାଂସ୍କୃତିକ ଦଳମାନେ ଯୋଗଦେଇ ତାଙ୍କ କଳା ପ୍ରଦର୍ଶନ କରିବା ର ସୁଯୋଗ ପାଇବେ ବୋଲି ସୁଚନା ଦିଆଯାଇଛି। ଅନ୍ୟ ମାନଙ୍କ ମଧ୍ୟରେ ସମ୍ପାଦକ ରବି ମଙ୍ଗରାଜ, ଉପଦେଷ୍ଟା ଅଶ୍ଵିନୀ ଭୋଇ,ପିଣ୍ଟୁ ଜଗତ, ଅଶୋକ ପୁଞ୍ଜି,କିରଣ ବାଗ,ଏକମ ଦୀପ,ବିଜୁ ହେର୍ଣ୍ଣା , ପ୍ରଭାତ ମହାନନ୍ଦ, ଗିଜନ ସାହୁ,ସଞ୍ଜୟ ମହାନନ୍ଦ ଓ ସନ୍ତୋଷ ଦୁରିଆ ପ୍ରମୁଖ ସାମ୍ବାଦିକ ସମ୍ମିଳନୀରେ ଉପସ୍ଥିତ ରହିଥିଲେ।
