ମହାରାଷ୍ଟ୍ର ରାଜନୀତି ସସପେନ୍ସ : ମୁଖ୍ୟମନ୍ତ୍ରୀ ନାମ ଫାଇନାଲ ହୋଇନାହିଁ , କିନ୍ତୁ ଶପଥ ଗ୍ରହଣ ତାରିଖ ଫାଇନାଲ

ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ଙ୍କର ଶପଥ ଗ୍ରହଣ ସମାରୋହ ଡିସେମ୍ବର ୫ତାରିଖ ରେ ହୋଇପାରେ, ଏହା ପୂର୍ବରୁ ବିଜେପି ଓ ଗଠବନ୍ଧନ ର ବୈଠକ ହେବ l ଏଥିରେ ଔପଚାରିକ ଭାବରେ ମୁଖ୍ୟମନ୍ତ୍ରୀ ଙ୍କ ନାମ ଘୋଷଣା କରାଯିବ l ବିଜେପି ଦଳର ବୈଠକ ଷୋମବାର ଦିନ ହେବାର ସମ୍ଭାବନା ରହିଛି l ଶପଥ ଗ୍ରହଣ ସମାରୋହ ଆଜାଦ ମୈଦାନ ହେବାର ସମ୍ଭାବନା ରହିଛି l ମିଳିଥିବା ସୂଚନା ଅନୁସାରେ ଏହି ଶପଥଗ୍ରହଣ ସମାରୋହ ରେ ପ୍ରଧାନମନ୍ତ୍ରୀ ଓ କେନ୍ଦ୍ରୀୟ ଗୃହ ମନ୍ତ୍ରୀ ସମେତ ସମସ୍ତ ରାଜ୍ୟର ମୁଖ୍ୟମନ୍ତ୍ରୀ ଉପସ୍ଥିତ ରହିବେ l ଶପଥଗ୍ରହଣ ସମାରୋହ ସନ୍ଧ୍ୟା ୫ଟା ସମୟରେ ଅନୁଷ୍ଠିତ ହେବାର ଆଶଙ୍କା ରହିଛି l

ନଭେମ୍ବର ୨୦ ତାରିଖରେ ହୋଇଥିବା ବିଧାନସଭା ମତଦାନ ରେ ବିଜେପି, ଏକନାଥ ସିନ୍ଧେ ଙ୍କ ଶିବସେନା ଓ ଅଜିତ ପାୱାର ଙ୍କ ରାଷ୍ଟ୍ରବାଦୀ କଂଗ୍ରେସ ପାର୍ଟି ର ଗଠବନ୍ଧନ ୨୮୮ ରୁ ୨୩୫ ଟି ସିଟ ରେ ବିଜୟ ଲାଭ କରି ପୁଣିଥରେ ସରକାର ଗଢିବାକୁ ଯାଉଛନ୍ତି l ବିଜେପି ୧୩୨ ଟି ସିଟ ରେ ବିଜୟ ଲାଭ କରି ସର୍ବାଧିକ ଆଗରେ ରହିଛି l ୨୩ ନଭେମ୍ବର ରେ ମତଦାନ ଫଳାଫଳ ଆସିବା ପରେ ଶିବସେନା ଏକନାଥ ସିନ୍ଧେ ଙ୍କୁ ନିଜର ନେତା ବାଛିଥିଲେ ଏବଂ NCP ଅଜିତ ପାୱାର ଙ୍କୁ ନିଜ ନେତା ବାଛିଥିଲେ, ବିଜେପି ର ବୈଠକ ରେ ଦେବେନ୍ଦ୍ର ଫଡନାଭିସ ଙ୍କ ନାମରେ ମୋହର ଲାଗିବ ବୋଲି ଆଶା କରାଯାଉଛି l

ବିଜେପି ବର୍ତମାନ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ନାମ ଘୋଷଣା କରିନାହିଁ, ଦଳ ସଦସ୍ୟ ମାନେ ମତ ଦେଇଛନ୍ତି ଯେ ବିଧାୟକ ଦଳ ବୈଠକ ରେ ନେତା ବଛାଯିବ l ଆଶା କରାଯାଉଛି ଯେ ଦେବେନ୍ଦ୍ର ଫଡନାଭିସ ଙ୍କ ନାମ ମୁଖ୍ୟମନ୍ତ୍ରୀ ଭାବରେ ଘୋଷଣା କରାଯିବ l ୨୦୧୪ ରେ ପ୍ରଥମ ଥର ଦେବେନ୍ଦ୍ର ଫଡନାଭିସ ମୁଖ୍ୟମନ୍ତ୍ରୀ ହୋଇଥିଲେ, ଏବଂ ଏହାପରେ ୨୦୧୯ ରେ ଦ୍ଵିତୀୟ ଥର ପାଇଁ ମୁଖ୍ୟମନ୍ତ୍ରୀ ହେଲେ l