ମହାଭାରତର ରୋଚକ କଥା : ଦ୍ରୌପଦୀ କାହିଁକି ଘଟୋତ୍କଚଙ୍କୁ ଅଭିଶାପ ଦେଇଥିଲେ

ଭୀମ ପୁତ୍ର ଘଟୋତ୍କଚ ର ଚର୍ଚା ମହାଭାରତରେ ଅନେକ ସ୍ଥାନରେ ହୋଇଛି, ବିଶେଷ ଭାବରେ ତାଙ୍କର ବିଶାଳ ଶରୀର ଏବଂ ନିର୍ଭିକ ପରାକ୍ରମ ସର୍ବଦା ପ୍ରଶଂସା ଯୋଗ୍ୟ l କର୍ଣ ନିଜର ଅମୋଘଅସ୍ତ୍ର ର ପ୍ରୟୋଗ ଭୀମ ପୁତ୍ର ଘଟୋତ୍କଚ ଉପରେ ଦୁର୍ଯ୍ୟୋଧନ ର କହିବା ଅନୁସାରେ କରିଥିଲେ ଯେବେକି ସେ ଏହାର ପ୍ରୟୋଗ ଅର୍ଜୁନ ଉପରେ କରିବାକୁ ଚାହୁଁଥିଲେ l ଏହା ଗୋଟିଏ ଏଭଳି ଅସ୍ତ୍ର ଥିଲା ଯାହାକୁ ପ୍ରୟୋଗ କଲେ କଦାପି ଅସଫଳ ହୋଇନଥାଏ l କିନ୍ତୁ ବରଦାନ ଅନୁସାରେ ଏହାର ପ୍ରୟୋଗ ଥରେ ହିଁ କରାଯାଇ ଥାଏ l ଯଦି କାରଣ ଏହି କାର୍ଯ୍ୟ କରି ନଥାଆନ୍ତା ତେବେ ଘଟୋତ୍କଚ ଏକାକୀ କୌରଵ ସେନାକୁ ବିନାଶ କରିଦେଇ ଥାଆନ୍ତା l ବିଶେଷ କଥାଟି ହେଲା ମହାଭାରତ ଅନୁସାରେ ଘଟୋତ୍କଚ କୁ କୌଣସି ଶକ୍ତି ମାରି ପାରି ନଥାନ୍ତା , ଦ୍ରୌପଦୀ ଅଭିଶାପ କାରଣରୁ ତାଙ୍କର ମୃତ୍ୟୁ ହୋଇଥିଲା l

କାହିଁକି ଦ୍ରୌପଦୀ ଭୀମ ପୁତ୍ର ଘଟୋତ୍କଚ କୁ ଦେଇଥିଲେ ଅଭିଶାପ –
ମହାଭାରତ ର ଅନେକ ଗୁଡିଏ ଅଭିଶାପ ଓ ବରଦାନ ପ୍ରସିଦ୍ଧ ଅଟେ, ସେହିଭଳି ଦ୍ରୌପଦୀ ହ୍ୱିଡିମ୍ବl  ର ପୁତ୍ର ଘଟୋତ୍କଚ କୁ ଗୋଟିଏ ଅଭିଶାପ ଦେଇଥିଲେ l ମାନ୍ୟତା ଅନୁସାରେ ଯେତେବେଳେ ଘଟୋତ୍କଚ ପ୍ରଥମଥର ନିଜ ପିତା ଭୀମ ଙ୍କ ରାଜ୍ୟକୁ ଆସିଥିଲେ ନିଜ ମା ଙ୍କ ଆଜ୍ଞା ପାଳନ ଅନୁସାରେ ସେ ଦ୍ରୌପଦୀ ଙ୍କୁ କୌଣସି ସମ୍ମାନ ଦେଇନଥିଲେ l ଦ୍ରୌପଦୀ ଙ୍କୁ ଅପମାନ ଅନୁଭବ ହେଲା ଓ ସେ ବହୁତ ଅସନ୍ତୁଷ୍ଟ ହେଲେ , ଏବଂ ଦ୍ରୌପଦୀ କହିଥିଲେ ଯେ ସେ ଜଣେ ବିଶିଷ୍ଟ ନାରୀ , ସେ ଯୁଧିଷ୍ଠିର ଙ୍କ ମହାରାଣୀ ଅଟନ୍ତି, ସେ ବ୍ରାହ୍ମଣ ରାଜା ଙ୍କ ପୁତ୍ରୀ ଅଟନ୍ତି , ଯାହାଙ୍କ ପ୍ରତିଷ୍ଠା ପାଣ୍ଡଵ ମାନଙ୍କ ଠାରୁ ଖୁବ ଅଧିକ l ବ୍ରାହ୍ମଣ ଓ ରୁଷି ଙ୍କ ସଭାରେ ତାଙ୍କର ଘଟୋତ୍କଚ ଅପମାନ କରିଥିବାରୁ ଦ୍ରୌପଦୀ କହିଲେ ଯେ ‘ ଯା ଦୁଷ୍ଟ ତୋ ଆୟୁଷ ଖୁବ କମ ହେବ ଏବଂ ତୁ କୌଣସି କାରଣ ନଥାଇ ମୃତ୍ୟୁ ବରଣ କରିବୁ l

ଭୀମ ପୁତ୍ର ଘଟୋତ୍କଚ ଙ୍କ ବିବାହ ଦୈତ୍ୟରାଜ ମୁରା ଙ୍କ ଝିଅ କାମଙ୍କଠକା ସହିତ ହୋଇଥିଲା l ଏହି କାମଙ୍କଠକା କୁ ଭଗବାନ ଶ୍ରୀକୃଷ୍ଣ ବରଦାନ ଦେଇଥିଲେ ଯେ ତୋ ଗର୍ଭ ରୁ ଗୋଟିଏ ମହାବୀର ପୁତ୍ର ଜନ୍ମ ହେବ ଯାହାକୁ ଯୁଦ୍ଧରେ କେହି ପରାସ୍ତ କରିପାରିବେ ନାହିଁ ଏବଂ ସେ ସର୍ବ ଶକ୍ତିମାନ ହେବ l ଘଟୋତ୍କଚ ଙ୍କ ପୁତ୍ର ବର୍ବରୀକ ଦାନବୀର ଥିଲେ ଏବଂ ଦୁନିଆର ସବୁଠୁ ବଡ଼ ଧନୁର୍ଦ୍ଧର ଥିଲେ l ବର୍ବରୀକ ଙ୍କ ପାଇଁ ୩ଟି ବାଣ ହିଁ ମହତ୍ଵପୁର୍ଣ ଥିଲା, ଯାହାଦ୍ୱାରା ସେ ପାଣ୍ଡଵ ଓ କୌରଵ ମାନଙ୍କ ସମ୍ପୂର୍ଣ ସେନା କୁ ଵିଧ୍ଵଂସ କରି ପରି ଥାଆନ୍ତେ l ଏହା ଜାଣିପାରି ଭଗବାନ ଶ୍ରୀକୃଷ୍ଣ ତାଙ୍କୁ ତାଙ୍କ ଶିର ମାଗି ନେଇଥିଲେ l ପରେ ଶ୍ରୀକୃଷ୍ଣ କହିଥିଲେ ଯେ ମହାଭାରତ ଯୁଦ୍ଧ ସମାପ୍ତ ପର୍ଯ୍ୟନ୍ତ ତୁମେ ଏଠାରେ ରହି ଯୁଦ୍ଧ ଦେଖିବ ଏବଂ କଳିଯୁଗ ରେ ମୋ ନାମରେ ପୂଜା ପାଇବ l ବର୍ତମାନ ଯିଏ ଖାଟୁ ଶ୍ୟାମ ଭାବରେ ପୂଜିତ l