କୋରେଇ ,୩୦.୧ : କୋରେଇ ଥାନା ଅନ୍ତର୍ଗତ ବରୁଣ୍ଡେଇ-ମୁକୁନ୍ଦପୁର ପୂର୍ତ୍ତ ରାସ୍ତା ର ନାଳୁଆ କଡମିଆଁ ଗାଁ ମଝି ରାସ୍ତାରେ ଏକ ହାଇୱା ଅଟୋ କୁ ସାଇଡ ମାରି ପଳାଇବା ଫଳରେ ଅଟୋ ଟି ରାସ୍ତା ତଳକୁ ଓଲଟି ଭାଙ୍ଗି ଯାଇଥିଲା ଏବଂ ଅଟୋରେ ବସିଥିବା ୩ଜଣ ମହିଳା ଆହତ ହୋଇ ଚିକିତ୍ସା ହେଉଥିବା ଜଣାପଡିଛି!ପ୍ରକାଶକି ବାଲିଆପାଳ ଗାଁର ରମେଶ ମଲ୍ଲିକ ଙ୍କ ପତ୍ନୀ ଅନିତା (୪୦), ପ୍ରକାଶ ମଲ୍ଲିକ ଙ୍କ ପତ୍ନୀ ସଞ୍ଜୁଲତା (୩୫)ଅଟୋ ନଂ(ଓ ଡି ୦୪୦୯୯୨ ଯୋଗେ ସଠିପୁର ସ୍ଥିତ ୟୁନିୟନ ବ୍ୟାଙ୍କ କୁ ଯାଉଥିବାବେଳେ କାଡମିଆଁ ଗାଁ ନିକଟରୁ ସେହି ଗାଁର ରବୀନ୍ଦ୍ର ସାହୁଙ୍କ ପତ୍ନୀ ତୁଳସୀ (୪୪)ଏହି ଅଟୋରେ ଆସିଥିଲା!ମାତ୍ର ଅଟୋଟି କିଛିଦୁର ଆସିବାପରେ ବିପରୀତ ଦିଗରୁ ଏକ ହାଇୱା ଟ୍ରକ (ଯାହାର ନଂ ଜଣାପଡି ନାହିଁ ) ଆସୁଥିବା ବେଳେ ଖଜୁରୀନାଲୁଆ କଡ଼ମିଆଁ ଗାଁ ମଝି ରାସ୍ତା ରେ ଅଟୋକୁ ସାଇଡ ମାରିଥିଲା!ଫଳରେ ଅଟୋଟି ରାସ୍ତା ତଳକୁ ଖସି ଯାଇ ଭାଙ୍ଗି ରୁଜି ଯାଇଥିଲା!ହେଲେ ଅଟୋରେ ବସିଥିବା ୩ଜଣ ମହିଳା ଆହତ ହୋଇ ଥିବାବେଳେ ଡ୍ରାଇଭର ଜଣକ ଅଳ୍ପକେ ବର୍ତ୍ତୀ ଯାଇଥିଲା!ସେହି ବାଟ ଦେଇ ଆସୁଥିବା ବିଦ୍ୟୁତ ବିଭାଗର କର୍ମଚାରି ମାନେ ଘଟଣା ସ୍ଥଳରେ ପହଂଚି ଆହତ ମାନଙ୍କୁ ଉଦ୍ଧାର କରି ବରୁଣ୍ଡେଇ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ!ସେଠାରେ ସେମାନଙ୍କର ପ୍ରାଥମିକ ଚିକିତ୍ସା କରିଥିବା ବେଳେ ସେମାନଙ୍କ ମଧରୁ ଅନିତା ର ଗୋଡ଼ରେ ଶକ୍ତ ଆଘାତ ହୋଥିବା ବେଳେ ତାଙ୍କୁ ଯାଜପୁର ଜିଲା ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରଥିବା ଜଣାପଡିଛି!
