କାକଟପୁର ୧୫/୧୦ କାକଟପୁର ବ୍ଳକ ଅନ୍ତର୍ଗତ ଓଥକା ଗ୍ରାମପଞ୍ଚାୟତରେ ପଞ୍ଚାୟତ ସ୍ତରୀୟ ଜନସଂପର୍କ ପଦଯାତ୍ରା ଅନନ୍ତପୁର ଅନନ୍ତେଇ ଠାକୁରାଣୀଙ୍କ ପ୍ରାଙ୍ଗଣରେ ଏକ ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି।ପଞ୍ଚାୟତ ବିଜେଡି ସଭାପତି ଲକ୍ଷ୍ମୀଧର ସ୍ୱାଇଁଙ୍କ ସଭାପତିତ୍ବରେ ଅନୁଷ୍ଠିତ ସାଂଗଠନିକ ବୈଠକରେ ବିଧାୟକ ତଥା ମନ୍ତ୍ରୀ ତୁଷାରକାନ୍ତି ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଅକ୍ଟୋବର ୨ତାରିଖରୁ ଅନୁଷ୍ଠିତ ଜନସଂପର୍କ ପଦଯାତ୍ରା ଓ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ଉପରେ ବିସ୍ତୃତ ଭାବେ ଉପସ୍ଥିତ ଜନସାଧାରଣଙ୍କୁ କହିଥିଲେ। ଏହି ପଦ ଯାତ୍ରାରେ ପୁରୀ ଜିଲ୍ଲାପରିଷଦ ଉପାଧ୍ୟକ୍ଷ ସ୍ବାଧିନ କୁମାର ନାୟକ,ବ୍ଳକ ବିଜେଡି ସଭାପତି ପ୍ରାଣକୃଷ୍ଣ ମଲ୍ଲିକ, ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷ ଜ୍ୟୋତିର୍ମୟ ଦଳାଇ,ଚନ୍ଦ୍ର ଶେଖର ବିଶ୍ୱାଳ,୭ନଂ ଜିଲ୍ଲାପରିଷଦ ସଭ୍ୟା ସଂଯୁକ୍ତା ଦିକ୍ଷୀତ, ଆରତୀ ପ୍ରହରାଜ,ଓ ଯୁବ ବିଜେଡି ସଭାପତି ପ୍ରଶାନ୍ତ କାଣ୍ଡି,ଙ୍କ ସମେତ କିଶୋର ନାୟକ, ନରେନ୍ଦ୍ର ସାସମଲ, ଶ୍ରୀଧର ଦାସ, ଗିରିଧାରୀ କାଣ୍ଡି, ଧୀରେନ୍ଦ୍ର ପାଇଟାଳ, ହୁଲାସ ଜେନା, ସନାତନ ପାଇଟାଳ ପ୍ରମୁଖ ଶତାଧିକ ମହିଳା ଓ ପୁରୁଷ ଯୋଗଦେଇଥିଲେ l ମଞ୍ଚାସିନ ଅତିଥି ମାନେ ରାଜ୍ୟ ସରକାରଙ୍କ ନାରୀ ସଶକ୍ତିକରଣ ଉପରେ କହିଥିଲେ।ଗତ ନିର୍ବାଚନରେ ବିଜେପି ଦଳର ସମର୍ଥନରେ ସରପଞ୍ଚ ପ୍ରାର୍ଥୀ ଭାବେ ପ୍ରତିଦ୍ବନ୍ଦ୍ବିତା କରିଥିବା ବିଜୟ କୁମାର ଦାସ,ଓ କର୍ମୀ ବାବୁଲି ପାଇଟାଳ ନିଜର ସମର୍ଥକମାନଙ୍କ ସହ ଆନୁଷ୍ଠାନିକ ଭାବେ ମନ୍ତ୍ରୀଙ୍କ ଉପସ୍ଥିତିରେ ବିଜେଡି ଦଳରେ ଯୋଗଦାନ କରି ଦଳୀୟ ଉତ୍ତରୀୟ ଆପଣାଇଥିଲେ l
