ସ୍ୱାମୀ-ସ୍ତ୍ରୀ ନିଜ ସମ୍ପର୍କ ରେ ଏହି କଥା ଗୁଡିକୁ ନିହାତି ଧ୍ୟାନ ରଖିବା ଜରୁରୀ, ନଚେତ ସମ୍ପର୍କ ରେ ଆସିପାରେ ବାଧା

ସବୁ ସମ୍ପର୍କ ରେ ପ୍ରାୟ ଛୋଟ ମୋଟ ମନୋମାଳିନ୍ୟ ହୋଇଥାଏ, କିନ୍ତୁ ଏହି ଝଗଡା ବଢିବା ଆଦୌ ଠିକ ନୁହେଁ l କାହିଁକି ନା ସମସ୍ତ ସମ୍ପର୍କ ଭରସା ଓ ବିଶ୍ୱାସରେ ରେ ଚାଲିଥାଏ, ଯଦି ଥରେ ଏହା ଭାଙ୍ଗିଲା ତେବେ ସମ୍ପର୍କ ରେ ଫାଟ ସୃଷ୍ଟି ହେବା ଭଳି ସ୍ଥିତି ଆସି ଯାଇଥାଏ l

ପ୍ରତ୍ୟେକ ଦମ୍ପତି ନିଜ ସମ୍ବନ୍ଧ କୁ ମଜବୁତ କରିବା ପାଇଁ ଆପ୍ରାଣ ଚେଷ୍ଟା ଚଳାଇ ଥାଆନ୍ତି l କିନ୍ତୁ ଅନେକ ସମୟରେ ସେମାନଙ୍କର ଗୋଟିଏ ଛୋଟିଆ ଭୁଲ ସମ୍ପର୍କ ରେ ଫାଟ ସୃଷ୍ଟି କରିଦେଇ ଥାଏ l ଏବଂ ଅନେକ ସମୟରେ ଦେଖା ଯାଇଥାଏ ଯେ ସ୍ୱାମୀ ସ୍ତ୍ରୀ ଙ୍କ ସମ୍ପର୍କ ରେ ଫାଟ କୌଣସି ତୃତୀୟ ବ୍ୟକ୍ତି ଯୋଗୁଁ ସୃଷ୍ଟି ହୋଇଥାଏ l ଏପରି ସ୍ଥିତିରେ ସ୍ୱାମୀ -ସ୍ତ୍ରୀ କିଛିଟା କଥାକୁ ବିଶେଷ ଭାବରେ ଧ୍ୟାନ ରଖିବା ଜରୁରୀ l

* ଉଭୟ ସ୍ୱାମୀ-ସ୍ତ୍ରୀ ସବୁବେଳେ ଜାଣି ରଖିବା ଜରୁରୀ ଯେ ନିଜ ସମ୍ପର୍କ ର କିଛିଟା ଗୋପନୀୟ କଥା ଉଭୟଙ୍କ ମଧ୍ୟରେ ସୀମିତ ରହିବା ଜରୁରୀ l କାହିଁକିନା ଆପଣ ଯେଉଁ ତୃତୀୟ ବ୍ୟକ୍ତି ନିକଟ ରେ ନିଜ ମଧ୍ୟର ଗୋପନୀୟତା କୁ ପ୍ରକାଶ କରିବେ ତେବେ ସେ ନିଜ ଭିତରେ ଏହାକୁ ସୀମିତ ରଖିବ ବୋଲି କିଛି ଗ୍ୟାରେଣ୍ଟି ନାହିଁ l ତେଣୁ ସେଥିପ୍ରତି ସର୍ବପ୍ରଥମେ ସେଥିପ୍ରତି ଦୃଷ୍ଟି ଦେବା ଜରୁରୀ l

* ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଯଦି କିଛି ଝଗଡା ହେଉଛି , ନଚେତ ଆପଣଙ୍କ ପରିବାର ସଦସ୍ୟଙ୍କ ସହିତ ଆପଣଙ୍କ ପାର୍ଟନର ଙ୍କର ଭଲ ପଡୁନି, ତେବେ ଏହାକୁ ନେଇ କୌଣସି ବାହାର ଲୋକଙ୍କ ସହିତ ଆଲୋଚନା କରନ୍ତୁ ନାହିଁ l ଏହା ଆପଣଙ୍କ  ପରିବାରର କଥା ଏହାକୁ ଆପଣ ହିଁ ସମାଧାନ କରିବେ l

* ଯଦି ଆପଣଙ୍କ ଆର୍ଥିକ ସ୍ଥିତି ସାମାନ୍ୟ ଖରାପ ଅଟେ, ଏହାକୁ ନିଜ ଓ ନିଜ ପାର୍ଟନର ମଧ୍ୟରେ ସୀମିତ ରହିବାକୁ ଦିଅନ୍ତୁ l ଯଦି ଏହା କୌଣସି ତୃତୀୟ ବ୍ୟକ୍ତି ଜାଣିବ ତେବେ ଏହା ଦ୍ୱାରା ଆପଣଙ୍କ ସ୍ୱାମୀଙ୍କ ର ସମ୍ମାନ ହାନି ହେବ l

* ଏହାକୁ ପ୍ରତ୍ୟେକ ସ୍ୱାମୀ ସ୍ତ୍ରୀ ଜାଣି ରଖିବା ଜରୁରୀ ଯେ ଯଦି ସ୍ୱାମୀଙ୍କ ନିକଟରେ କିଛି କମି ଅଛି ନଚେତ ସ୍ତ୍ରୀଙ୍କ ନିକଟରେ କିଛି କମି ଅଛି ଏହାକୁ ନେଇ କୌଣସି ତୃତୀୟ ବ୍ୟକ୍ତି ନିକଟରେ ପ୍ରକାଶ କରନ୍ତୁ ନାହିଁ l ଏହାଦ୍ୱାରା ବାହାର ଲୋକ ଏହାର ମଜାକ ଉଡାଇବେ l ଏବଂ ଏଭଳି ଗୋଟିଏ ସମୟ ଆସିବ ଯାହା ଆପଣଙ୍କୁ ଏହି କଥା ବ୍ୟଥା ଦେବ l ତେଣୁ ଏହାର ସମାଧାନ ଖୋଜନ୍ତୁ l

* ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଏଭଳି କିଛିଟା ଗୁରୁତ୍ୱପୂର୍ଣ କଥା ରହିଛି ଯାହାକୁ ପରିବାର ର ଅନ୍ୟ ସଦସ୍ୟ ମଧ୍ୟ ଜାଣିବା ଉଚିତ ନୁହେଁ l ତେଣୁ ଉଭୟ ସ୍ୱାମୀ-ସ୍ତ୍ରୀ ସେଥିପ୍ରତି ଦୃଷ୍ଟି ଦେବା ଜରୁରୀ l ନଚେତ ସମ୍ପର୍କ ରେ ଫାଟ ସୃଷ୍ଟି ହୋଇପାରେ l ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଯାହାବି ମନୋମାଳିନ୍ୟ ଘଟୁଛି ତାହା ନିଜ ମଧ୍ୟରେ ସମାଧାନ କରନ୍ତୁ l