ଢ଼େଙ୍କିକୋଟ ତା ୯. ୧. ୨୪ : କେନ୍ଦୁଝର ଜିଲ୍ଲା ଘଟଗାଁ ଫରେଷ୍ଟ ରେଞ୍ଜ ଅଧୀନ ଢେଂକିକୋଟ ନିକଟବର୍ତ୍ତି ସାନ ମସିଣା ବିଲା ରେ ରବିବାର ସନ୍ଧ୍ୟା ରୁ ଦନ୍ତା ହାତୀ ଟି ଏନ ଏଚ ପାର୍ଶ୍ୱ ଜଙ୍ଗଲ ରେ ବୁଲୁଛି I ରବିବାର ରାତି ସାନ ମସିଣାବିଲା ଛକସାହି ଓ ସାନବରବେଡା ର ବଗିଚା ଲାଗି ଥିବା ଘର ଓ ଦୋକାନ କୁ ଭାଙ୍ଗିଥିଲା l ସୋମବାର ସନ୍ଧ୍ୟା ରେ ପୁଣି ସାନ ମସିଣାବିଲା ଛକ ନିକଟରେ ଥିବା ହୋଟେଲ ପାଖରେ ଘର କରିଥିବା ପଞ୍ଚାନନ ମୁଣ୍ଡା ଓ ତାଙ୍କ ବଡଭାଇ ବାବୁଲାଲ ପରିବାରର , କାନ୍ଥ ଭାଙ୍ଗିଲା,ଓ ଚାଉଳ ଖାଇଦେବା ସହିତ , ଧାନ ଡୋଲୀ, ଆସବାବପତ୍ର ତିନୋଟି ଘର ଛପର ଓ କୋଠରୀ ଭାଙ୍ଗି ଦେଇଛି l ବର୍ତମାନ ଉକ୍ତ ପରିବାର ସଦସ୍ୟ ମାନେ ଭୟଭୀତ ରେ ଅଛନ୍ତି l ସେମାନଙ୍କର ୨୦ କୁଇଣ୍ଟାଲ ଗଛିତ ଧାନ ଖାଇ ଦେଇଛି ଦନ୍ତା l ସେହିପରି ପଡୋଶୀ ବିଧବା ମହିଳା ମୀନା ମୁଣ୍ଡା ର ଘର କୁ ମଧ୍ୟ ଭାଙ୍ଗିଛି l ରାତି ଦୁଇ ଥର ଏହି ଘର କୁ ଆସି ନଷ୍ଟ କରି, ପୁଣି ପାର୍ଶ୍ୱ ଜଙ୍ଗଲ ରେ ଆଜି ଡେରା ପକେଇଛି l ତେବେ କ୍ଷତି ହୋଇଥିବା ପରିବାର କୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବୀ କରିଛନ୍ତି l ସନ୍ଧ୍ୟା ହେଲେ ପାଖ ଗ୍ରାମରେ ହାତୀ ଭୟ ଲାଗି ରହିଛି l ତେଣୁ ବନ ବିଭାଗ ତୀକ୍ଷ୍ଣ ଦୃଷ୍ଟି ଦେବା ସହିତ ହାତୀକୁ ଅନ୍ୟତ୍ର ଘଉଡ଼ାଇ ଦେବାକୁ ଦାବୀ ହେଉଛି l
