ଧର୍ମଶାଳା, ୨୭ା୨ : ଲଦାଖ ସୀମାରେ ସହୀଦ ହୋଇଥିବା ଧର୍ମଶାଳା ବ୍ଲକ କ୍ଷେତ୍ରପାଳ ଗ୍ରାମର ଓଡିଆ ଯବାନ ଶଶାଙ୍କ ଶେଖର ସାମଲଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି ଯାତ୍ରା ଅଭିନେତ୍ରୀ ରାଣୀ ପଣ୍ଡା । ଆଜି ପୁର୍ବାହ୍ନରେ ରାଣୀ ସହିଦ ଶଶାଙ୍କଙ୍କ ଗାଁ କ୍ଷେତ୍ରପାଳରେ ପହଂଚି ପରିବାରବର୍ଗଙ୍କୁ ଭେଟିଥିଲେ । ରାନୀ ସହିଦ ଶଶାଙ୍କଙ୍କ ପତ୍ନୀ, ମା, ଭଉଣୀ, ଭାଇଙ୍କ ସହ ଆଲେଚନା କରି ତାଙ୍କ ଦୁଃଖରେ ସମଦୁଃଖି ହୋଇଥିଲେ । ଶଶାଙ୍କଙ୍କ ମୃତୁ୍ୟ ପରେ ପରିବାର ଲୋକଙ୍କୁ ଯେଉଁ ଦାରୁଣ ଆଘାତ ଲାଗିଛି ଏହି ସମୟରେ ତାଙ୍କୁ ଭଗବାନ ସହାୟ ହୁଅନ୍ତୁ ବୋଲି କାମନା କରିଥିଲେ । ଏଥିସହ ଏହି ପରିବାରକୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇଦେବାକୁ ରାନୀ ମୁଖ୍ୟମନ୍ତ୍ରୀଙ୍କ ନିକଟରେ ଦାବି କରିବେ ବୋଲି କହିଥିଲେ ।
