ଦଶପଲ୍ଲା୨୩/୧୨ : ରାଜ୍ୟସରକାର ଙ୍କ ଜଳସମ୍ପଦ ବିଭାଗ ପକ୍ଷରୁ ନୟାଗଡ଼ ଜିଲ୍ଲା ବିଭାଜନ ସ୍ତରୀୟ ପାଣିପଞ୍ଚାୟତ ପକ୍ଷ ୨୦୨୪-୨୫ ପାଳିତ ହୋଇ ଯାଇଛି । ସ୍ଥାନୀୟ କୁଆଁରିଆ ଜଳ ସମ୍ପଦ ବିଭାଗ କଲୋନୀ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଅତିଥି ଭାବେ ଦଶପଲ୍ଲା ପଞ୍ଚାୟତ ସମିତି ଅଧ୍ୟକ୍ଷା ସୁନନ୍ଦା ସାହୁ, ଏନ ଏ ସି ଅଧ୍ୟକ୍ଷା ଇଂ ପୁନମ ପ୍ରିୟଦର୍ଶିନୀ,ନୟାଗଡ଼ ଜିଲ୍ଲା ଅଧିକ୍ଷଣ ଯନ୍ତ୍ରୀ ପ୍ରୀତମ ଚେତନ ପୋଥାଲ ପ୍ରମୁଖ ଯୋଗ ଦେଇ ଜିଲ୍ଲା ରେ ଥିବା ବିଭିନ୍ନ ଜଳ ଭଣ୍ଡାର ର ସମସ୍ୟା ଓ ସ୍ଥିତି ସମ୍ପର୍କ ରେ ବକ୍ତବ୍ୟ ରଖିବା ସହ ସରକାର ଙ୍କ ବିଭିନ୍ନ ଯୋଜନା ସମ୍ପର୍କ ରେ ବକ୍ତବ୍ୟ ରଖିଥିଲେ । ଏ ଅବସରରେ ଜଳ ସଂରକ୍ଷଣ ଓ ଏହାର ସୁ ବିନିଯୋଗ ସମ୍ପର୍କରେ ବିଦ୍ୟାଳୟ ସ୍ତରୀୟ ପ୍ରତିଯୋଗିତାରେ କୃତି ଛାତ୍ର ଛାତ୍ରୀ ଙ୍କୁ ଅତିଥିବୃନ୍ଦ ପୁରସ୍କାର ପ୍ରଦାନ କରିଥିବା ବେଳେ ଚାଷୀ ଦିଲୀପ କୁମାର ଦାସ ଓ ବିଦ୍ୟାଧର ଦାସ ଚାଷୀ ମାନଙ୍କ ସମସ୍ୟା ଓ ଜମିକୁ ଜଳ ଯିବା ସମ୍ପର୍କ ରେ ଉପସ୍ଥିତ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରିଥିଲେ । ଏହି କାର୍ଯ୍ୟକ୍ରମ ରେ ସହକାରୀ ନିର୍ବାହୀ ଯନ୍ତ୍ରୀ ତୃପ୍ତି ମୟୀ ନାଏକ ପରହିତ୍ୟ କରିଥିବା ବେଳେ ଦଶପଲ୍ଲା କୁଆଁରିଆ ଜଳସେଚନ ପ୍ରକଳ୍ପ ର ସହକାରୀ ନିର୍ବାହୀ ଯନ୍ତ୍ରୀ ସୁମିତ କୁମାର ଜେନା,ଏଷ୍ଟିମେଟର ପାକିଯା ହୁସେନ ଓ ବୃତଙ୍ଗ ପ୍ରକଳ୍ପ ନିର୍ବାହୀ ଯନ୍ତ୍ରୀ ପ୍ରକାଶ ଚନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
