ଛତ୍ରପୁର ୨୬/୧୨ : ସ୍ଥାନୀୟ ଅନସ୍ଲୋ ଉଚ୍ଚ ବିଦ୍ୟାଳୟ ଏବଂ ସରକାରୀ ବାଳିକା ଉଚ୍ଚ ବିଦ୍ୟାଳୟ ଠାରେ ଛତ୍ରପୁର ବ୍ଲକ ଅଧିନ ସମସ୍ତ ସରକାରୀ ବିଦ୍ୟାଳୟର ପାଚିକା ଓ ସହାୟିକା ମାନଙ୍କ ନିମନ୍ତେ ଦିନିକିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି । ପୃଥକ ପୃଥକ ଭାବେ ୫ ଟି ବ୍ୟାଚରେ ରନ୍ଧନ ପ୍ରତିଯୋଗିତା କରାଯାଇ ଜିଲ୍ଲା ସ୍ତରୀୟ ରନ୍ଧନ ପ୍ରତିଯୋଗିତା ପାଇଁ ଚୟନ କରାଯାଇଥିଲା । ସମ୍ବଳ ଶିକ୍ଷକ ଭାବେ ଗିରିଷ ଚନ୍ଦ୍ର ମହାନ୍ତି, ସୁଶାନ୍ତ କୁମାର ସେଠୀ, ଆର. ଲିପ୍ସା, ଦମୟନ୍ତୀ ଦୋରା ଓ କୃଷ୍ଣ ଦାଶ ଯୋଗ ଦେଇ ସିସଏଚ ମାନଙ୍କୁ ତାଲିମ ପ୍ରଦାନ କରିଥିଲେ । ଏହି ୫ ଟି ତାଲିମ ଶିବିରକୁ ପର୍ଯ୍ୟବେକ୍ଷକ ଭାବେ ସଞ୍ଜୁକ୍ତା ରଥ, ନମିତାରାଣି ରାଉତ, ଗୀତା ପାଣିଗ୍ରାହୀ, ଜ୍ୟୋର୍ତିମୟୀ ପାଣିଗ୍ରାହୀ ଏବଂ ରୀତା ରଥ ଦାୟିତ୍ୱ ତୁଲାଇ ଥିଲେ । ସିଆରସିସି ଗୋବିନ୍ଦ ବେହେରା,ପ୍ରହ୍ଲାଦ ଦାସ ଏବଂ ବି. ସୋମେୟା ପାତ୍ର ପରିଚାଳନା କରିଥିବା ବେଳେ ରୋଷେଇ ସମୟରେ ସ୍ୱଚ୍ଛତା ଓ ସୁରକ୍ଷା ସମ୍ପର୍କରେ ସୂଚନା ପ୍ରଦାନ କରାଯାଇଥିଲା ।
