ଚଣ୍ଡିଖୋଲ : ଯାଜପୁର ଜିଲ୍ଲାର ଚଣ୍ଡିଖୋଲ ଠାରେ କାର୍ଯ୍ୟ କରୁଥିବା ମହାବିନାୟକ ଲଘୁ ଖଣିଜ ପରିବହନ ମାଲିକ ସଙ୍ଘର ସାଧାରଣ ପରିଷଦ ବୈଠକ ଓ ନବ ନିର୍ବାଚିତ କର୍ମକର୍ତ୍ତା ମାନଙ୍କର ଶପଥପାଠ ଉତ୍ସବ ଜାରକା ସ୍ଥିତ କଳ୍ପତରୁ ଦାସ ଷ୍ଟାଡିୟମ ସମ୍ମିଳନୀ କକ୍ଷରେ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି! ସଙ୍ଘର ନବ ନିର୍ବାଚିତ ସଭାପତି ଅଜାମ୍ବର ସାହୁଙ୍କ ଅଧ୍ୟକ୍ଷତାରେ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା! ଏଥିରେ ପ୍ରାକ୍ତନ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡ ବିଜୟକୁମାର ଶତପଥୀ ଅତିଥିଭାବେ ଯୋଗଦେଇ ଆଗାମୀ ଦୁଇବର୍ଷ ପାଇଁ ନିର୍ବାଚିତ ହୋଇଥିବା କର୍ମକର୍ତ୍ତା ମାନଙ୍କୁ ଅଭିନନ୍ଦନ ଜଣାଇଥିଲେ! ଅନୁଷ୍ଠିତ ନିର୍ବାଚନରେ ସଙ୍ଘର ଉପଦେଷ୍ଟା ଚନ୍ଦନକୁମାର ନାୟକ ନିର୍ବାଚନ ଅଧିକାରୀ ଭାବେ ନିଯୁକ୍ତ ହୋଇ ଶାନ୍ତି ଶୃଙ୍ଖଳାରସହ ନିର୍ବାଚନ ପରିଚାଳନା କରିଥିବାରୁ ତାଙ୍କୁ ପ୍ରଥମେ ଧନ୍ୟବାଦ ପ୍ରଦାନ କରାଯାଇଥିଲା! ସାଧାରଣ ପରିଷଦ ବୈଠକ ପରେ ନବନିର୍ବାଚିତ ସଭାପତି ଅଜାମ୍ବର ସାହୁ, ସମ୍ପାଦକ ଅମିତକୁମାର ସାହୁ, ଉପସଭାପତି ଭାବେ ସରୋଜକୁମାର ରାଉତ,ସହ ସମ୍ପାଦକ ଭାବେ ମହେନ୍ଦ୍ର କୁମାର ଦାସ,କୋଷାଧ୍ୟକ୍ଷ ଭାବେ ରଜନୀକାନ୍ତ କର ଯୁଗ୍ମ ସମ୍ପାଦକ ଭାବେ ଅଶୋକକୁମାର ପରିଡାଙ୍କ ସହ ଉପଦେଷ୍ଟା ଭାବେ ଚନ୍ଦନକୁମାର ନାୟକ,ପ୍ରମୋଦକୁମାର ନାୟକ,ବାଇଧର ସାହୁ, ଉମେଶଚନ୍ଦ୍ର ଜେନା,ଶୁବାଷଚନ୍ଦ୍ର ପଣ୍ଡାଙ୍କ ସହ ୩୪ ଜଣ ନବ ନିର୍ବାଚିତ କାର୍ଯ୍ୟକାରୀ କମିଟି ସଦସ୍ୟ ଶପଥପାଠ କରିଥିଲେ! ସଙ୍ଘର ସମ୍ବିଧାନକୁ ସମ୍ମାନଦେଇ ସମସ୍ତ ସଦସ୍ୟଙ୍କ ସମୂହ ସ୍ୱାର୍ଥ ରକ୍ଷା ପାଇଁ କାର୍ଯ୍ୟ କରିବାକୁ ନୂତନ କର୍ମକର୍ତ୍ତା ମାନେ ଶପଥ ନେଇଥିଲେ! ସମସ୍ତ କର୍ମକର୍ତ୍ତା ମାନଙ୍କୁ ଉତ୍ତରୀୟ ପୁଷ୍ପଗୁଛ ଦେଇ ସ୍ୱାଗତ କରାଯାଇଥିଲା! ଏହି ଉତ୍ସବରେ ଧର୍ମଶାଳା ପ୍ରେସକ୍ଳବ ସଭାପତି ବରିଷ୍ଠ ସାମ୍ବାଦିକ ରମାକାନ୍ତ ଜେନା ଓ ଉତ୍କଳ ସାମ୍ବାଦିକ ସଙ୍ଘ ରାଜ୍ୟ ସାଧାରଣ ସମ୍ପାଦକ ବରିଷ୍ଠ ସାମ୍ବାଦିକ ବେଣୁଧର ପଣ୍ଡାଙ୍କୁ ସଙ୍ଘ ପକ୍ଷରୁ ସମ୍ମାନିତ କରାଯାଇଥିଲା!
