ହର ପ୍ରସାଦ ପାଢ଼ୀ, ସାମ୍ବାଦିକ, ବୁଗୁଡ଼ା : କବି ହଂସ କେଳିସର ଘୁମୁସର ରାଜ ବଂଶ ପ୍ରତିଷ୍ଠିତ ବୀରଧନଞ୍ଜୟ ପୁର ଶାସନର ବରିଷ୍ଠ ଶିକ୍ଷାନୁବିତ୍ ଅବସର ପ୍ରାପ୍ତ ପ୍ରଧାନ ଶିକ୍ଷକ ବଂଶୀଧର ଦାଶ ଙ୍କ ସୁପୁତ୍ର ହେଉଛନ୍ତି ବୈଷ୍ଣବ ଚରଣ ଦାଶ। ତା ୧୫.୦୭.୧୯୯୨ ମସିହାରେ କୁଳୀନ ବ୍ରାହ୍ମଣ ପରିବାରରେ ଜନ୍ମ,ଯେ କି ସମଗ୍ର ବୁଗୁଡ଼ା ଅଞ୍ଚଳରେ ବହୁମୁଖୀ ପ୍ରତିଭା ର ପରିଚୟ ଦେଇ ସମାଜରେ ନିଜର ପ୍ରଭାବ ଏବଂ ପ୍ରତିଷ୍ଠା କୁ ବଜାୟ ରଖିବାରେ ସମର୍ଥ ହୋଇପାରିଛନ୍ତି। ତୁଳସୀ ଦୁଇ ପତ୍ରରୁ ବସିଲା ପରି ଛାତ୍ର ଜୀବନରୁ ତାଙ୍କ ପ୍ରତିଭାର ଅଙ୍କୁରୋଦଗମ୍ ବେଶ୍ ବାରି ହୋଇ ପଡ଼ୁଥିଲା। ଫଳରେ ଛାତ୍ର ଜୀବନରେ ବିଭିନ୍ନ ପ୍ରତିଯୋଗିତା ରେ ସେ ଅନେକବାର ପୁରସ୍କୃତ ହୋଇ ଶିକ୍ଷକମାନଙ୍କ ବେଶ୍ ପ୍ରିୟପାତ୍ର ହୋଇପାରିଥିଲେ। ମାଧ୍ୟମିକ ଶିକ୍ଷା ସମାପ୍ତି ପରେ ପୁରୀ ଶ୍ରୀ ଜଗନ୍ନାଥ ବେଦକର୍ମକାଣ୍ଡ ମହାବିଦ୍ୟାଳୟ ରୁ କର୍ମକାଣ୍ଡ ବିଭାଗରେ ସ୍ନାତକ ଉପାଧି ପ୍ରାପ୍ତ ଉପରାନ୍ତ ଶିକ୍ଷକତାଲିମ୍ ମଧ୍ୟ କୃତିତ୍ଵର ସହ ଉତ୍ତୀର୍ଣ୍ଣ ହୋଇଛନ୍ତି। ସଂପ୍ରତି ସେ ବୁଗୁଡ଼ା ର ଅଗ୍ରଣୀ ନିୟୁଏରା ପବ୍ଲିକ ସ୍କୁଲ ରେ ଶିକ୍ଷକତା କରି ନିଜର ଅଭିନବ ଶିକ୍ଷାଦାନ କୌଶଳ ଫଳରେ ଛାତ୍ରଛାତ୍ରୀମାନଙ୍କ ଅତ୍ୟନ୍ତ ପ୍ରିୟ ଭାଜନ ହୋଇପାରିଛନ୍ତି। ସେ ଏକା ଧାରରେ ଜଣେ ଦକ୍ଷ ଶିକ୍ଷକ,ସମାଜସେବୀ,ପରିବେଶ ସଂରକ୍ଷକ,କବି,ଲେଖକ,ପ୍ରାବନ୍ଧିକ,ଗା
ତାଙ୍କ ଜୀବନରେ ଉନ୍ନତିର ସମସ୍ତ ଶ୍ରେୟ ସେ ନିଜ ଶିକ୍ଷା ଗୁରୁ ପଣ୍ଡିତ ଅନନ୍ତ କର ଙ୍କୁ ପ୍ରଦାନ କରିଛନ୍ତି। ବହୁ ବୌଦ୍ଧିକ ଓ ସାହିତ୍ୟ ଅନୁଷ୍ଠାନ ସହ ସଘନ ସଂପୃକ୍ତି ରଖି ସେ ଆଗକୁ ବଢ଼ି ଚାଲିଛନ୍ତି। ତେଣୁ ଏ ଭଳି ଜଣେ ବହୁମୁଖୀ ପ୍ରତିଭାଧର ଙ୍କୁ ଭିନ୍ନ ଏକ ସବ୍ୟସାଚୀ କହିବାରେ କାହାରି ଦ୍ୱିଧା ନାହିଁ।
