ଭଞ୍ଜନଗର (ଆପ୍ର)ଦଳିତ ନାବାଳିକାକୁ ବିବାହର ପ୍ରଲୋଭନ ଦେଖାଇ ପ୍ରତାରଣା କରିବାପରେ ନାବାଳିକାର ଅଭିଯୋଗକୁ ଭିତ୍ତି କରି ସଂପୃକ୍ତ ଯୁବକକୁ ଗିରଫ କରି କୋର୍ଟଚାଲଣ କରିଛି ଭଞ୍ଜନଗର ପୁଲିସ । ଥାନା ଅଧିକାରୀ ସୁଦୀପ୍ତ କୁମାର ସାହୁଙ୍କ ଠାରୁ ମିଳିଥିବା ସୁଚନା ପ୍ରକାରେ ଭଞ୍ଜନଗର ସହରର ଜଣେ ଦଳିତ ନାବାଳିକାକୁ ଏହି ସହରର ଜଣେ ଯୁବକ ବିବାହର ପ୍ରଲୋଭନ ଦେଖାଇ ବାରମ୍ବାର ତାସହ ସଂପର୍କ ସ୍ଥାପନ ପରେ ଶେଷରେ ତାକୁ ପ୍ରତାରଣା କରି ଅନ୍ୟଜଣକୁ ବିବାହ କରିଥିଲେ ।
ଆଉ ଏସଂପର୍କରେ ସଂପୃକ୍ତ ନାବାଳିକା ଜାଣିବାପରେ ଥାନାର ଆଶ୍ରୟ ନେଇଥିଲେ । ଆଉ ନାବାଳିକା ଥାନାରେ ମାମଲା ଦେବା ଜାଣିବାପରେ ଅଭିଯୁକ୍ତ ଯୁବକ ଚମ୍ପଟ ମାରିଥିଲେ । ତେବେ ବହୁ ଖୋଜାଖୋଜି ପରେ ଶେଷରେ ୨୫ ତାରିଖରେ ପୁଲିସ ସଂପୃକ୍ତ ଯୁବକକୁ ଧରିବାରେ ସଫଳ ହୋଇଥିଲେ । ଏସଂପର୍କରେ ଏକ କେଶ ନମ୍ବର- ୪୬୫/୨୦ ପ୍ରକାରେ ମାମଲା ରୁଜୁ କରାଯାଇ ଉଭୟ ନାବାଳିକା ଓ ଯୁବକର ଡାକ୍ତରୀ ମଇନା କରାଯିବାପରେ ଅଭିଯୁକ୍ତ ଯୁବକକୁ ପୋକ୍ସ ଆଇନ ବଳରେ ଗିରଫ କରାଯାଇ କୋର୍ଟଚାଲଣ କରାଯାଇଥିବାବେଳେ ପ୍ରତାରିତ ନାବାଳିକାକୁ ଏଠାରୁ ବ୍ରହ୍ମପୁର ସୁଧାର ଗୃହକୁ ନେଇ ଆଶ୍ରା ଦିଆଯାଇଛି ।
