ବେତନଟୀ : ବେତନଟୀ ରେଞ୍ଜ ତଥା ଥାନା ଅଧୀନ କରମଶୋଳ ଗ୍ରାମରେ ଶନିବା ତେବେ ଉଳ ସମେତ ବ୍ୟାପକ ନିବାର ବିଳମ୍ବିତ ରାତିରେ – ୧୫ଟିକିଆ ବଣୁଆ ହାତୀପଲ ପ୍ରବେଶକରି ଜନୈକ ବ୍ୟକ୍ତିଙ୍କ ଘର ଉପରେ ଘନଘନ ଆକ୍ରମଣ କରି ବ୍ୟାପକ କ୍ଷୟକ୍ଷତି ଘଟାଇଛନ୍ତି । ମିଳିଥିବା ସୂଚନା ମୁତାବକ କରମଶୋଳ ଗାଁକୁ ଶନିବାର ବିଳମ୍ବିତ ରାତିରେ ୧୫ଟିକିଆ ହାତୀପଲ ଖାଦ୍ୟ ଅନ୍ଵେଷଣ ପ୍ରବେଶ କରିଥିଲେ । ଏହାପରେ ଗ୍ରାମର ତରଣୀସେନ ମହାନ୍ତଙ୍କ ଘରଉପରେ ଘନଘନ ଆକ୍ରମଣ କରିଥିଲେ । ହାତୀପଲ ଘରଉପରେ ଆକ୍ରମଣ ସମୟରେ ତରଣୀସେନଙ୍କ ପରିବାର କୈାଣସି ପ୍ରକାରେ ଜୀବନ ବଞ୍ଚାଇ ଘଟଣାସ୍ଥଳରୁ ଦୌଡି ପଳାଇବାରେ ସକ୍ଷମ ହୋଇଥିଲେ । ଏପଟେ ହାତୀପଲ ଘରଉପରେ ଆକ୍ରମଣ କରି ଧାନ, ଚାଉଳ ଆସବାବପତ୍ର ନଷ୍ଟ କରିଦେଇଥିଲେ । ତେବେ ଅନ୍ଧାର ରାତିରେ ହଠାତ୍ ବଣୁଆ ହାତୀପଲଙ୍କ ଗାଁକୁ ପ୍ରବେଶ ଓ ଘରଉପରେ ଆକ୍ରମଣ ଦ୍ଵାରା ଗ୍ରାମବାସୀଙ୍କ ଜୀବନ ପ୍ରତି ବିପଦ ସବୁବେଳେ ଘନେଇ ରହୁଥୁବାରୁ ଜଙ୍ଗଲ ପାର୍ଶ୍ଵବର୍ତ୍ତୀ ଗାଁ ମାନଙ୍କରେ ବଣୁଆ ହାତୀ ସମସ୍ୟା ଏବେ ଚରମ ସ୍ଥିତିରେ ପହଞ୍ଚୁଛି । ଯାହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଲାଗି ରହିଥିବା ବେଳେ ଅନେକ ସମୟରେ ବନବିଭାଗକୁ ଏହାର ସମ୍ମୁଖୀନ ହେବାକୁ ପଡୁଛି । ଗୋଟିଏପଟେ ହାତୀପଲ ଜନିତ କ୍ଷୟକ୍ଷତି ଏବଂ କ୍ଷୟକ୍ଷତି ତୁଳନାରେ ଯଥେଷ୍ଟ କମ୍ ସହାୟତାରାଶି ପ୍ରଦାନର ବ୍ୟବସ୍ଥା ପୁନଶ୍ଚ ସହାୟତାରାଶି ପ୍ରଦାନରେ ବିଳମ୍ବ ,ଏହିଭଳି ଅନେକ କାରଣକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଥିବାର ଜଣାଯାଇଛି ।
