ବେତନଟୀ : ବୈଶିଙ୍ଗା ଥାନା ଅନ୍ତର୍ଗତ କଳମା ପଞ୍ଚାୟତର ୧୮ ନଂ ଜାତୀୟ ରାଜପଥ ଉପରେ ଆଜି ସନ୍ଧ୍ୟା ୭ ଘ:ସମୟରେ ଏକ ସାଇକେଲ ସହିତ ବାଇକ୍ ଆରୋହୀ ର ଧକ୍କା ହେବା ଫଳରେ ଦୁଇଜଣ ଯାକ ଗୁରୁତର ଭାବେ ବଡ ଡାକ୍ତରଖାନାକୁ ସ୍ଥାନାନ୍ତରିତ ହୋଇଥିବା ଜଣାଯାଇଛି। ଖବର ରୁ ପ୍ରକାଶ କଳମା ଗ୍ରାମ ର ଚନ୍ଦନ ମାଝୀ(୨୯) ବାଇକ ଯୋଗେ ନିଜ ଗ୍ରାମକୁ ଫେରୁଥିବା ବେଳେ କଣ୍ଟିପୁର ଗ୍ରାମର ଅଭିମନ୍ୟୁ ଦାସ (୩୭) ଏକ ସାଇକେଲ ଯୋଗେ ଘରକୁ ଯାଉଥିବା ବେଳେ ମୁହାଁ ମୁହିଁ ଧକ୍କା ହୋଇଥିଲା। ଏଥିରେ ଉଭୟେ ବାଇକ ଏବଂ ସାଇକେଲ ଆରୋହୀ ଗୁରୁତର ହୋଇ ରାସ୍ତାରେ ପଡିରହିଥିଲେ। ସ୍ଥାନୀୟ ଲୋକେ ଉଭୟଙ୍କୁ ବୈଶିଙ୍ଗା ଡାକ୍ତରଖାନା ନେଇ ଆସିଥିଲେ। ଏଠାରେ ପ୍ରାଥମିକ ଚିକିତ୍ସା ପରେ ଉଭୟଙ୍କୁ ଘରୋଇ ଆମ୍ବୁଲାନସ୍ ଯୋଗେ ବାଲେଶ୍ଵର ଜିଲ୍ଲା ମୂଖ୍ୟ ଚିକିତ୍ସାଳୟକୁ ନେଇ ଯାଇଥିବା ଜଣାଯାଇଛି ।
