ବେତନଟୀ : ବେତନଟୀ ବ୍ଲକ ର ସନ୍ତରା ଗ୍ରାମ ପଞ୍ଚାୟତ ଅନ୍ତର୍ଗତ ମୁରୁକୁଣ୍ଡିଆ ଠାରେ ଦୁଇ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଗୁରୁବାର ଉଦଘାଟିତ ହୋଇଥିବାବେଳେ ଶୁକ୍ରବାର ଉଦଯାପିତ ହୋଇଯାଇଛି। ମରାଂବୁରୁ ଯୁବକ ସଂଘ ଆନୁକୂଲ୍ୟରେ ଆୟୋଜିତ ଏହି ୪୧ ତମ ଟୁର୍ଣ୍ଣାମେଣ୍ଟ ରେ ମୋଟ ୧୬ ଟି ଦଳ ଅଂଶଗ୍ରହଣ କରିଥିଲେ। ଫାଇନାଲ ଖେଳ ରିଟର୍ଣ୍ଣ କଟିବୁଢି ଏଫ.ସି. ଓ ଏମ.କେ.ଏଲ ଏଫ୍.ସି ମଧ୍ୟ ରେ ହେଇଥିଲା। ଶେଷରେ ପେନାଲଟିକ ଦ୍ଵାରା ରିଟର୍ଣ୍ଣ କଟିବୁଢି ଟିମ ୪-୩ ଗୋଲ୍ ରେ ଚମ୍ପିୟାନ ହୋଇଥିଲା । ପ୍ରଥମ ପୁରସ୍କାର କୋଡ଼ିଏ ହଜାର, ଦ୍ଵିତୀୟ ପୁରସ୍କାର ପନ୍ଦର ହଜାର, ସାନ୍ତ୍ଵନା ମୁଳକ ପୁରସ୍କାର ରୂପେ ଦୁଇଟି ଦଳକୁ ଦୁଇ ହଜାର ପାଞ୍ଚ ଶହ ଟଙ୍କା ପ୍ରଦାନ କରାଯାଇଥିଲା। ମୁଖ୍ୟ ଅତିଥି ଭାବରେ ସଂଘର ଉପଦେଷ୍ଟା ଶ୍ରୀଯୁକ୍ତ କିଶୋର କୁମାର ଆଚାର୍ଯ୍ୟ, ଅତିଥି ଭାବରେ ସମାଜ ସେବୀ ଚତୁର୍ଭୁଜ ପୃଷ୍ଟି, ପ୍ରମୋଦ ମାଝୀ,ସାଉନା ସରେନ ପ୍ରମୁଖ ଯୋଗଦାନ କରିଥିଲେ। କ୍ଲବ ର ସଭାପତି ହିମାଂଶୁ ମହାନ୍ତ, ସଂପାଦକ ଦୁର୍ଗା ସିଂ,ହରି ମୁର୍ମୁ,ସୁକୁଲ ମାଝୀ,ଜୁରା ସରେନ,ବତିଶ ମହାନ୍ତ,ରାମ ସରେନ ପ୍ରମୁଖ ସହଯୋଗ କରିଥିଲେ।
