ବେତନଟୀ : ବେତନଟୀ ଥାନା ଅଧୀନ କେସିପୁର ଫାଣ୍ଡି ନିକଟସ୍ଥ ରାଗଧା ମହାବିଦ୍ୟାଳୟ ପଛ ପଟୁ ରାଗଧା ଯୁକ୍ତ ୨ ମହାବିଦ୍ୟାଳୟ ର ଛାତ୍ର ହାଡିବନ୍ଧୁ ସିଂ ଙ୍କ ପୁଅ ଜଗବନ୍ଧୁ ସିଂ (୧୯)ଙ୍କ ଝୁଲନ୍ତା ଶବ ଏକ ମହୁଲ ଗଛରୁ ପୁଲିସ ବୁଧବାର ଉଦ୍ଧାର କରିଛି। ଜଗବନ୍ଧୁ ରାଗଧା ମହାବିଦ୍ୟାଳୟର ଦ୍ୱିତୀୟ ବର୍ଷର ଛାତ୍ର ଅଟେ । ପୋଲିସ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହିତ ୪୩/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣାଯାଇଛି। ଶବ ବ୍ୟବଚ୍ଛେଦ କରିବା ପାଇଁ ବାରିପଦା ବଡ ଡାକ୍ତରଖାନାକୁ ପଠା ଦେଇଥିଲେ। ବ୍ୟବଚ୍ଛେଦ ପରେ ଶବକୁ ପରିବାରକୁ ହସ୍ତାନ୍ତର କରାଯାଇଥିବା ଜଣାଯାଇଛି। ବେତନଟୀ ପୋଲିସ ଏହି ଘଟଣାର ତଦନ୍ତ କରୁଥିବା ବେଳେ ଖବର ଲେଖା ହେବା ପର୍ଯ୍ୟନ୍ତ କୌଣସି କାରଣ ମିଳି ନ ଥିବା ଜଣାଯାଇଛି। ଏହି ଘଟଣାର ତଦନ୍ତ ଏସଆଇ ଲିଲିମଣି ବେହେରା ଘଟଣାର ତଦନ୍ତ କରୁଥିବା ଜଣାଯାଇଛି।
