ବାରିପଦା : ଏକ ମଦଦୋକାନରୁ ଯୁବକଙ୍କ ମୃତ ଦେହ ଉଦ୍ଧାର । ଏହିପରି ଅଭାବନୀୟ ଘଟଣା ଦେଖିବାକୁ ମିଳିଛି ବାରିପଦା ଟାଉନଥାନା ଅନ୍ତର୍ଗତ ପାଲବଣୀ ବାଇପାସ ନିକଟସ୍ଥ ଏକ ମଦଦୋକାନରେ । ମୃତକ ଯୁବକ ଜଣକ ହେଲେ ମୟୂରଭଞ୍ଜ ଜିଲ୍ଲା ଶୁଳିଆପଦା ଥାନା ଅଞ୍ଚଳର କୃଷ୍ଣ ପାତ୍ର । ଏଠାରେ ସୂଚନାଯୋଗ୍ୟ ଯେ, ଏହି ମୃତ ଯୁବକ ଜଣକ ତଥା କୃଷ୍ଣ ପାତ୍ର ସୁନଗଡ଼ିଆ ଅଞ୍ଚଳରେ ଭଡା ଘରେ ରହୁଥିଲେ । ବୁଧବାର ପାଲବଣି ବାଇପାସ ସ୍ଥିତ ଠିପି ବନ୍ଦ ବିଦେଶୀ ମଦ ଦୋକାନ ନିକଟରେ ସନେ୍ଦହ ଜନକ ଅବସ୍ଥାରେ ପଡିଥିବାର ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକଙ୍କୁ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ ପିଆରଏମକୁ ପଠାଇଥିଲେ । ଏନେଇ ବାରିପଦା ଟାଉନ ଥାନାରେ ଏକ ମାମଲା ରୁଜୁ କରାଯିବା ସହ ଘଟଣାର ପଙ୍ଖାନୁପଙ୍ଖ ତଦନ୍ତ ଆରମ୍ଭ କରାଯାଇଛି ।
