ବାରିପଦା : ଦୁଆରଶୁଣୀ ଘାଟିରେ ପୁଣି ଦୁର୍ଘଟଣା । ଜାତୀୟ ରାଜପଥର ୪୯ ନମ୍ବର ବାଙ୍ଗରିପୋଷି ନିକଟ ଦୁଆରଶୁଣୀ ଘାଟିରେ ରବିବାର ଯାତ୍ରୀବାହୀ ବସ ପଛକୁ ପିକଅପ ଧକ୍କା ଦେଇଛି । ଦୁର୍ଘଟଣାରେ କେହି ଆହତ ହୋଇନଥିବା ବେଳେ ଚାଳକ ଅଳ୍ପକେ ବର୍ତ୍ତିଯାଇଛନ୍ତି । ଘଟଣାରୁ ପ୍ରକାଶ ଯେ, ରବିବାର ସକାଳ ସମୟରେ ନିନି ନାମକ ଯାତ୍ରୀବାହୀ ବସର ପଛକୁ ଭାରସାମ୍ୟ ହରାଇ ଏକ ପିକଅପ ଭ୍ୟାନଟି ଧକ୍କା ଦେଇଥିଲା । ଫଳରେ ଭ୍ୟାନର ସମ୍ମୁଖ ଅଂଶ ଭାଙ୍ଗି ଯାଇଥିବାବେଳେ ଭ୍ୟାନ ଚାଳକ ଓ ବସର ଯାତ୍ରୀମାନେ ସୁରକ୍ଷିତ ରହିଛନ୍ତି । ଫଳରେ କିଛି ସମୟ ପାଇଁ ରାସ୍ତା ଜାମ ହୋଇ ଗାଡିମଟର ଚଳାଚଳ ବାଧାପ୍ରାପ୍ତ ହୋଇଥିଲା । ଖବରପାଇ ବାଙ୍ଗିରିପୋଷି ଦମକଳ ବାହିନୀ ଓ ପୁଲିସ ପହଞ୍ଚି ଥିଲେ ।
