ବାରଙ୍ଗ : ପ୍ରାଣୀ ଉଦ୍ୟାନ ନନ୍ଦନକାନନକୁ ରବିବାର ଦିନ ଉଦ୍ଧାର ହୋଇ ଗୋଟିଏ ଶାଗୁଣା ଓ ଗୋଟିଏ ସାରି ଆସିଛି। ସୂଚନା ଯୋଗ୍ୟ ଯେ ,ଠାକୁରମୁଣ୍ଡା କରଞ୍ଜିଆ ରେଞ୍ଜରୁ ଉଦ୍ଧାର ହୋଇ ଏକ ଧଳାପିଠିଆ ଶାଗୁଣା ନନ୍ଦନକାନନକୁ ଆସିଛି ।ଏହି ଶାଗୁଣାଟି ଆସିବାପରେ ତାକୁ ଏଠାକାର ଡାକ୍ତରମାନେ ପ୍ରାଥମିକ ଚିକିତ୍ସା କରିବା ସହ ଡାକ୍ତରମାନଙ୍କ ସ୍ୱତନ୍ତ୍ର ଦୃଷ୍ଟିରେ ଶାଗୁଣାଟିକୁ ରଖାଯାଇଛି।ଏହି ଶାଗୁଣାଟି ଆସିବାପରେ ଏହି ପ୍ରଜାତି ସଂଖ୍ୟା ନନ୍ଦନକାନନ ରେ ୨କୁ ବୃଦ୍ଧି ପାଇଛି। ସେହିପରି ପ୍ରାଣୀ ଉଦ୍ୟାନ ପରିସରରେ ପର୍ଯ୍ୟଟକ ମାନେ ହାତୀଶାଳ ନିକଟ ରେ ହାତୀ କୁ ଦେଖୁଥିବା ବେଳେ ପାଖରେ ଗୋଟିଏ ସାରି କିଛି ପକ୍ଷୀମାନେ ଆକ୍ରମଣ କରୁଥିଲେ । ପର୍ଯ୍ୟଟମାନେ ଏହାକୁ ଦେଖି ଘେରି ଯାଇଥିବା ସମୟରେ ସେଠାରେ ଡିୟୁଟି କରୁଥିବା ନନ୍ଦନକାନନ କର୍ମଚାରୀ ରମାକାନ୍ତ ନାୟକ ଦେଖି ସାରିକୁ ଉଦ୍ଧାର କରି ପଶୁ ଚିକିତ୍ସାଳୟ ରେ ହସ୍ତାନ୍ତର କରିଥିଲେ ।
