ପ୍ରଖ୍ୟାତ ଚଳଚିତ୍ର ଅଭିନେତା ଅଜିତ୍ ଦାସ୍ ଙ୍କ ବିୟୋଗରେ ବିଜପିର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଙ୍କ ଶୋକ

ଭୁବନେଶ୍ୱର,ତା.୧୩/୦୯: ପ୍ରଖ୍ୟାତ, ଲୋକପ୍ରିୟ ଓ ବରିଷ୍ଠ ଚଳଚିତ୍ର ଅଭିନେତା ଦାସଙ୍କ ବିୟୋଗରେ ବିଜପିର
ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଗଭୀର ଶୋକ ବ୍ୟକ୍ତ କରିବା ସହ ପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ପ୍ରାର୍ଥନା କରି ସ୍ୱର୍ଗତଃ ଆତ୍ମାର ସଦଗତି କାମନା କରିଛନ୍ତି ।

୭୧ ବର୍ଷୀୟ ସ୍ୱର୍ଗତଃ ଦାସ ଆଜି ଚିକିତ୍ସିତ ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ନ୍ୟାସନାଲ ସ୍କୁଲ ଅଫ ଡ୍ରାମାରୁ ଶିକ୍ଷା ଲାଭ କରି ୬୦ରୁ ଉର୍ଦ୍ଧ ଓଡିଆ ଚଳଚିତ୍ରରେ ଚରିତ୍ର ଅଭିନୟଠୁ ଖଳନାୟକ ଭୂମିକା ପର୍ଯ୍ୟନ୍ତ ସ୍ୱର୍ଗତଃ ଦାସ୍ ନିଖୁଣ ଅଭିନୟ କରିଥିଲେ । ସେ ଏକାଧାରାରେ ଅଭିନେତା, ନିର୍ଦ୍ଧେଶକ , ନାଟ୍ୟକାର ଥିଲେ ।

ହାକିମବାବୁ ଚଳଚିତ୍ରରେ ଅଭିନୟ ପାଇଁ ରାଷ୍ଟ୍ରୀୟ ଚଳଚିତ୍ର ପୁରସ୍କାର ପାଇଥିଲେ ।ମଞ୍ଚ ଓ ନାଟକ ଅଭିନୟ ପାଇଁ ସ୍ୱର୍ଗତଃ ଦାସ୍ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । ନାଟ୍ୟଗୁରୁ ଭାବେ ପରିଚିତ ସ୍ୱର୍ଗତଃ ଦାସ ଅନେକ ନାଟ୍ୟ ଅନୁଷ୍ଠାନ ସହ ଜଡିତ ଥିଲେ ।

ତାଙ୍କର ମୃତ୍ୟୁ ଚଳଚିତ୍ର ଜଗତରେ ଅପୂରଣୀୟ ଶୂନ୍ୟସ୍ଥାନ ସୃଷ୍ଟି କରିଛି ବୋଲି ଶୋକବାର୍ତାରେ ବିଜପିର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଦୁଃଖପ୍ରକାଶ କରି କହିଛନ୍ତି ।

ଏଭଳି ଦୁଃଖଦ ସମୟରେ ପ୍ରଭୁ ଶ୍ରୀ ଜଗନ୍ନାଥ ସ୍ୱର୍ଗତଃ ଦାସଙ୍କ ପରିବାରବର୍ଗଙ୍କୁ ଅସୀମ ଧର୍ଯ୍ୟ ଓ ସାହାସ ପ୍ରଦାନ କରିବାକୁ ଶ୍ରୀ ମହାନ୍ତି ଏବଂ ଶ୍ରୀ ନାଏକ ପ୍ରାର୍ଥନା କରିଛନ୍ତି ।