ଚଣ୍ଡିଖୋଲ୨୭/୧୦ : ଯାଜପୁର ଜିଲ୍ଲାର ବଡଚଣା ଥାନା ପୋଲିସ ଗୋଟିଏ ବାଇକ ଚୋରି ଘଟଣାର ତଦନ୍ତ କରୁକରୁ ଅନେକ ଗୁଡିଏ ଚୋରି ବାଇକକୁ ଠାବ କରିବା ସହ ୫ଜଣ ବାଇକ ଚୋରଙ୍କୁ ଗିରଫ କରିବାରେ ସଫଳ ହୋଇଛି ! ଏଥି ସହିତ ଗିରଫ ବାଇକ ଚୋରଙ୍କ ନିକଟରୁ ୭ ଟି ଚୋରୀ ବାଇକକୁ ମଧ୍ୟ ପୋଲିସ ଜବତ କରିଛି ! ଏହା ବଡଚଣା ଥାନା ପୋଲିସକୁ ଏକ ବଡ ସଫଳତା ବୋଲି କୁହାଯାଉଛି!ପୋଲିସ ସୂତ୍ରରୁ ପ୍ରକାଶ ଯେ, ଗତ ବିଜୟା ଦଶମୀ ଦିନ ଏହି ଥାନା ଅନ୍ତର୍ଗତ ଖଇରା ଗ୍ରାମର ସହଦେବ ଦଳେଇ ରାସ୍ତା କଡରେ ତାଙ୍କ ବାଇକ ରଖି ରାବଣ ପୋଡି ଉତ୍ସବ ଦେଖୁଥିଲେ !ତେବେ ପରେ ସେ ଆସି ଦେଖନ୍ତି ତାଙ୍କ ବାଇକ ଟିକୁ କେହି ଚୋରି କରି ନେଇଯାଇଛି ! ସେହିପରି ଅନ୍ୟ ଜଣେ ବ୍ୟକ୍ତି ତାଙ୍କ ବାଇକଟିକୁ ମଦ ବାର ନିକଟରେ ରଖି ସଉଦା କରିବାକୁ ଯାଇଥିବା ବେଳେ କେହି ଦୁବୃତ ତାଙ୍କ ବାଇକ ଟିକୁ ଲୁଟି ନେଇଥିଲା ! ଏନେଇ ସହଦେଵ ଦଳେଇ ଥାନାରେ ଲିଖିତ ଅଭିଯୋଗ କରିବା ପରେ ଥାନା କେଶ ନମ୍ବର ୩୧୮/୨୩ରେ ମାମଲା ରୁଜୁ କରି ଥାନାଧିକାରୀ ଶରତ ଚନ୍ଦ୍ର ପାତ୍ର ଏହାର ତଦନ୍ତ ଭାର ଏସ ଆଇ ମହମ୍ମଦ ସୁରଜଙ୍କୁ ଦେଇଥିଲେ ! ଘଟଣାର ତଦନ୍ତ କରି ମହମ୍ମଦ ସୁରଜ ଧାନମଣ୍ଡଳ ଗ୍ରାମର ସାଗର କୁମାର ଜେନା (୨୨) ଙ୍କୁ ଥାନାକୁ ଆଣି ପଚରାଉଚରା କରିଥିଲେ ! ତଦନ୍ତ ସମୟରେ ସାଗରଙ୍କ ଠାରୁ ତଥ୍ୟ ସଂଗ୍ରହ କରି ପୋଲିସ ବେଣାପୁର ଗ୍ରାମରୁ ୪ ଜଣ ବାଇକ ଲୁଟେରାଙ୍କୁ କାବୁ କରିବାରେ ସଫଳ ହୋଇଥିଲେ ! ଗିରଫ ମାନଙ୍କ ମଧ୍ୟରେ ୩ ଜଣ ନାବାଳକ ଥିବା ନେଇ ପୋଲିସ ସୂଚନା ଦେଇଛି ! ତେବେ ଗିରଫ ସମୟରେ ଏମାନଙ୍କ ପାଖରୁ ୭ଟି ଚୋରା ବାଇକ ଜବତ କରାଯାଇଥିଲା ! ଗିରଫ ସମସ୍ତ ଲୁଟେରାଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଛି ! ଜବତ ବାଇକ ସବୁକୁ ଉପଯୁକ୍ତ କାଗଜପତ୍ର ଦେଖାଇବା ପରେ ମାଲିକ ମାନଙ୍କୁ ହସ୍ତାନ୍ତର କରାଯିବ ଵୋଲି ପୋଲିସ ପ୍ରକାଶ କରିଛି!
