ଆସିକା : ଆଜି ସକାଳେ ପ୍ରାୟ ଆଠଟା ବେଳେ କୋଟିନଡା ଥାନା ଅନ୍ତର୍ଗତ ଆସିକା କବିସୂର୍ଯ୍ୟନଗର ମୁଖ୍ୟ ରାସ୍ତାରେ ଡି ପଲ ସ୍କୁଲ ନିକଟରେ ଏକ ବୋଲେରୋ ଧକ୍କାରେ ବରଗାଁ ର ଲଲାଟ ବେହେରା (୫୨)ଙ୍କ ମୃତ୍ୟୁ ହୋଇଛି। ଲଲାଟ ନିଜ ବାଇକ ରେ କଲେଜଛକ ଆଡ଼କୁ ଯାଉଥିବା ବେଳେ ପଛ ପଟୁ ଦ୍ରୁତ ଗତିରେ ଯାଉଥିବା ଏକ ବୋଲେରୋ ତାଙ୍କ ବାଇକ କୁ ଧକ୍କା ଦେଇ ଫେରାର ହୋଇଥିଲା। ଗୁରୁତର ଅବସ୍ଥାରେ ଲଲାଟ ଙ୍କୁ ଆସିକା ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ତାଙ୍କ ସାନଭାଇ ରମେଶ ବେହେରା ଙ୍କ ଅଭିଯୋଗ ପ୍ରକରେ ପୋଲିସ ଏକ ମାମଲା ୨୮୩/୨୩ ରୁଜୁ କରି ମୃତ ଦେହ କୁ ଆସିକା ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ର ରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।ଲଲାଟ ବରଗାଁ ର ପୂର୍ବତନ ସରପଞ୍ଚ ଓ ବିଜୁ ଜନତା ଦଳ ର ଜଣେ ସଂଗଠକ ରୂପେ ବେଶ ପରିଚିତ ଥିଲେ। ତାଙ୍କ ମୃତ୍ୟୁ ଖବର ପ୍ରଚାର ହେବା ପରେ ବହୁ ବ୍ୟକ୍ତି ଶେଷ ଦର୍ଶନ କରିଥିଲେ
