ତିହିଡି, ୦୨/୧୨(ଯଦୁମଣି ପାଣିଗ୍ରାହୀ): ପୀରହାଟ ପୋଲିସ କୋଇଲା ଚୋରିରେ ସଂପୃକ୍ତ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଏମାନେ ଲଗାତର ଭାବେ ଚଳନ୍ତା ଟ୍ରେନରୁ କୋଇଲା ଚୋରି କରୁଥିବା ନେଇ ପୋଲିସ ସୂଚନା ପାଇଥିଲା । ଗତ ନଭେମ୍ବର ୧୮ ତାରିଖ ଦିନ ଏଥିନେଇ ଏକ ମାମଲା ନଂ-୨୫୧/୨୪ ପୋଲିସ ପକ୍ଷରୁ ରୁଜୁ କରାଯାଇଥିଲେ ମଧ୍ୟ ଏମାନଙ୍କୁ ଧରିବାକୁ ପୋଲିସ ସକ୍ଷମ ହୋଇନଥିଲା । ଗିରଫ ଅଭିଯୁକ୍ତମାନେ ହେଲେ ପୀରହାଟ ଥାନା ଅନ୍ତର୍ଗତ ମଙ୍ଗଳପୁର ଗାଁର ରାକେଶ ମହାଳିକ, ସନ୍ତୋଷ ମହାଳିକ, ରମେଶ ମହାଳିକ ଓ ଧର୍ମାନନ୍ଦ ବେହେରା । ଏମାନେ ସମସ୍ତେ କୋଇଲା ମାଫିଆଙ୍କ ଅଧିନରେ କାମ କରିଥାନ୍ତି । ତେବେ ଅସଲ କୋଇଲା ମାଫିଆଙ୍କୁ ଧରିବାକୁ ସାଧାରଣରେ ଦାବି ହେଉଛି ।
