ବେତନଟୀ : ମୟୂରଭଞ୍ଜ ଜିଲ୍ଲାର ବେତନଟୀ ଡାକ୍ତରଖାନାରେ ଇସିଜି ସେବାକୁ ବିଧାୟକ ସନାତନ ବିଜୁଳି ଶୁଭାରମ୍ଭ କରିଛନ୍ତି I ବହୁଦିନର ଦାବି ତଥା ଲକ୍ଷ ଲକ୍ଷ ଅଞ୍ଚଳବାସୀଙ୍କ ବୃହତ୍ତର ସ୍ବାର୍ଥ ଏବଂ ସମସ୍ୟାକୁ ଦୃଷ୍ଟିରେ ରଖି ଶ୍ରୀ ବିଜୁଳିଙ୍କ ହସ୍ତକ୍ଷେପକ୍ରମେ ଶୁକ୍ରବାର ଇସିଜି ସେବାକୁ ଉଦଘାଟନ କରାଯାଇଛି। ବେତନଟୀ ଡାକ୍ତରଖାନାରେ ସପ୍ତାହରେ ତିନିଦିନ; ସୋମବାର, ବୁଧବାର ଏବଂ ଶୁକ୍ରବାର ସକାଳ ୮ଟାଠାରୁ ଅପରାହ୍ନ ୧ଟା ପର୍ଯ୍ୟନ୍ତ ୫ଘଣ୍ଟା ଧରି ଉପଲବ୍ଧ ହୋଇପାରିବାନେଇ ଇ ଡାକ୍ତରଖାନା ସୂତ୍ରରୁ ସୂଚନା ଦିଆଯାଇଛି। ଏହି କାର୍ଯ୍ୟକ୍ରମରେ ଚୂଡାମଣି ମହାପାତ୍ର ଏବଂ ଛତିଶ ଚନ୍ଦ୍ର ପାତ୍ର ଙ୍କ ପ୍ରଥମକରି ଇସିଜିକରି ତତ୍କ୍ଷଣାତ ରିପୋର୍ଟ ପ୍ରଦାନ କରାଯାଇଥିଲା | ଏହି ସେବା ଆରମ୍ଭ ହେବା ଦ୍ବାରା ଶହଶହ ରୋଗୀ ଇସିଜି ସେବା ପାଇପାରିବେ।
