ତିହିଡି, ୦୬/୧୧(ଯଦୁମଣି ପାଣିଗ୍ରାହୀ): ତିହିଡି ପୋଲିସ ଗତକାଲି ଭୋର ସମୟରେ କୋହ୍ଲ ଛକ ନିକଟରୁ ଏକ ଗୋରୁ ବୋଝେଇ ମହିନ୍ଦ୍ରା ଏକ୍ସୱାଇ-୧୦କୁ ଜବତ କରିଛି । ସେହିପରି ଏଥିରେ ଥିବା ୯ଟି ଗୋରୁଙ୍କୁ ପୋଲିସ ଉଦ୍ଧାର କରି ମଇତାପୁର ସ୍ଥିତ ଗୋଶାଳାକୁ ପଠାଇ ଦେଇଛି । ପ୍ରକାଶ ଯେ, ଗତକାଲି ଚାନ୍ଦବାଲିରୁ ଭଦ୍ରକ ଅଭିମୁଖେ ଏକ ଗୋରୁ ବୋଝେଇ ମହୀନ୍ଦ୍ରା ନଂ-ଓଆର୦୫ଏକେ-୨୭୪୭ ଯାଉଥିବା ପୋଲିସ କୌଣସି ସୂତ୍ରରୁ ଖବର ପାଇ କୋହ୍ଲ ଛକ ନିକଟରେ ଏହାକୁ ଧରିଥିଲା । ତେବେ ଡ୍ରାଇଭର ଜଣକ ଘଟଣାସ୍ଥଳରୁ ଖସି ପଳାଇ ଯାଇଥିଲା । ଏଥିନେଇ ଥାନାରେ ଏକ ମାମଲା ନଂ-୪୯୬/୨୪ ରୁଜୁ କରାଯାଇଛି । ତେବେ ଏହି ଗୋରୁ କାହାର ଓ କେଉଁଠାକୁ ଯାଉଥିଲା ସେଥିନେଇ ପୋଲିସ ତଦନ୍ତ କରୁଥିବା ଜଣାଯାଇଛି ।
