ଭଞ୍ଜନଗର ୧୩/୦୪: ଗଂଜାମ ପ୍ରସିଦ୍ଧ ଦଣ୍ଡଯାତ୍ରା ମଧ୍ୟରୁ ଗ୍ୟାଲେରୀ ମାଆଙ୍କ ଯାତ୍ରା ବେଶ୍ ପ୍ରସିଦ୍ଧ। ମେରୁଯାତ୍ରା ରେ ଆଖପାଖ ଅଞ୍ଚଳରେ ହଜାର ହଜାର ସଂଖ୍ୟାରେ ଭକ୍ତଙ୍କ ସମାଗମ ହୋଇଥାଏ। ଆଜି ଅପରାହ୍ନରେ ଯାତ୍ରା ସମୟରେ ଗ୍ୟାଲେରୀ ଠାରେ ହଜାର ହଜାର ସଂଖ୍ୟାରେ ଭିଡ଼ ପରିଲକ୍ଷିତ ହୋଇଥିଲା। ଭିଡ଼ ଭିତରୁ ଜଣେ ଅଜଣା ମହିଳାଙ୍କୁ ଅଚେତ୍ ଅବସ୍ଥାରେ ବିପଦର ବନ୍ଧୁ ସଦସ୍ୟ ମାନଙ୍କ ଦ୍ଵାରା ଉଦ୍ଧାର କରାଯାଇଥିଲା। ବହୁ ପଚାରଉଚରା ପରେ ପରିଚୟ ମିଳିନଥିବାରୁ ନିକଟସ୍ଥ ଫାଣ୍ଡି ଅଧିକାରୀଙ୍କୁ ସୂଚନା ଦିଆଯାଇଥିଲା ଏବଂ ପୋଲିସ ଘଟଣା ସ୍ଥଳରେ ପହଞ୍ଚି ମହିଳା ଜଣଙ୍କୁ ଗ୍ୟାଲେରୀ ଚିକିତ୍ସାଳୟକୁ ପଠାଇଥିଲେ। ଡାକ୍ତର ସେଠାରେ ମହିଳାଙ୍କୁ ମୃତ ଘୋଷଣା କରିଥିଲେ। ମୃତକ ଜଣଙ୍କ ହେଲେ ଜଗନ୍ନାଥ ପ୍ରସାଦ ବ୍ଲକ୍ ନିକଟସ୍ତ ରାଉତି ଗ୍ରାମର ତନୁ ବେହେରା (୬୫) ବର୍ଷ। ସୁଚନା ପ୍ରକାରେ ତନୁ ନିକଟସ୍ତ ହରିଗଡ ଗ୍ରାମର ଶାନ୍ତି ନଗର ସ୍ଥିତ ନିଜ ଝିଅଙ୍କ ଘରକୁ ଯାତ୍ରା ଦେଖିବକୁ ଆସିଥିଲେ। ସେଠାରୁ ସେ ଗ୍ୟାଲେରୀ ଆସିବା ପରେ ଅସହ୍ୟ ଗୁଳୁଗୁଳି ଓ ଗରମ ସହି ନା ପରି ମୃତ୍ୟୁ ହୋଇଥିବା ଫାଣ୍ଡି ଅଧିକାରୀ ସୁଚନା ଦେଇଛନ୍ତି। ଏନେଇ ଗ୍ୟାଲେରୀ ଫାଣ୍ଡିରେ ୯/୨୦୨୪ରେ ଏକ ଅପମୃତ୍ୟୁ ମାମଲା ରଜୁ କରାଯାଇଥିବା ଫାଣ୍ଡି ଅଧିକାରୀ ପ୍ରକାଶ କରିଛନ୍ତି।
ଭଞ୍ଜନଗର ରୁ ଅମରେନ୍ଦ୍ର କୁମାର ପଟ୍ଟନାୟକ ସକାଳ ଖବର
