ଆଠଗଡ଼ ତା ୧୪-୦୨-୨୪ ଆଜି ଆଠଗଡ଼ ଥାନା ଅନ୍ତର୍ଗତ ଆଙ୍କୁଲା ପେଟ୍ରୋଲ ପମ୍ପ ନିକଟରେ ଏକ ଟ୍ରକ ଓଲଟି ଜଣେ ମୃତ ଏବଂ ଟ୍ରକ୍ ର ଡ୍ରାଇଭର ଗୁରୁତର ଆହତ ହୋଇଥିବା ଜଣାପଡିଛି। ଘଟଣା ରୁ ପ୍ରକାଶ ଯେ ପାରାଦୀପ ରୁ କୋଇଲା ନେଇ ଟାଙ୍ଗୀ ଚୌଦ୍ବାର ରେ ଅନଲୋଡ କରି ଟ୍ରକ୍ ନଂ ଓଡି -୨୧- ଏଫ୍ -୫୫୧୧ ଡାଉନ୍ ଭଡା ଆଇରନ ନେବାକୁ ଢେଙ୍କାନାଳ ଯିବା କଥା। ମାଲିକ ବିନା ଜାଣିବାରେ ଗାଡ଼ି ରେ ଚୂନ ବୋଝେଇ କରି ନରସିଂହପୁର ଆଡକୁ ଯାଉଥିବା ବେଳେ ଆଙ୍କୁଲା ପେଟ୍ରୋଲ ପମ୍ପ ନିକଟରେ ଗାଡ଼ି ଟି ଭାରସାମ୍ୟ ହରାଇ ଓଲଟି ପଡିଥିଲା। ଫଳରେ ଭିତରେ ଚାପି ହୋଇ ଗାଡ଼ି ର ହେଲପର ଜଗତସିଂହପୁର ଜିଲ୍ଲା ହାତିଆପାଳ ଅଞ୍ଚଳ ର ସପନ ମଣ୍ଡଳ ଙ୍କ ପୁଅ ସମ୍ଭୁ ମଣ୍ଡଳ ବୋଲି ପ୍ରାଥମିକ ଭାବରେ ଜଣାପଡିଛି। ଗାଡ଼ି ର ଡ୍ରାଇଭର ପ୍ରଳୟ ମିଶ୍ର ଗୁରୁତର ଆହତ ହୋଇ ଆଠଗଡ଼ ଡ଼ାକ୍ତରଖାନା କୁ ସ୍ଥାନାନ୍ତରିତ ହୋଇଥିବା ବେଳେ ଘଟଣା ସ୍ଥଳରେ ଆଠଗଡ଼ ପୋଲିସ ଏବଂ ଦମକଳ ବାହିନୀ ପହଞ୍ଚି ଚାପି ହୋଇ ରହିଥିବା ସମ୍ଭୁ ମଣ୍ଡଳ କୁ ଉଦ୍ଧାର କରିବା ପାଇଁ ଚେଷ୍ଟା ଜାରି ରହିଛି।
