ବାଲିପାଟଣା : ପ୍ରସିଦ୍ଧ ତ୍ରିବେଣୀ ମେଳା ଅବସରରେ ବନମାଳୀପୁର ସ୍ଥିତ ଅନ୍ତର୍ବେଦୀ ମଠ ନିକଟରେ ଆରମ୍ଭ ହୋଇଛି ୫ମ ବର୍ଷ ତ୍ରିବେଣୀ ମହୋତ୍ସବ। ଆମ ସଂଗଠନ ତରଫରୁ ଆୟୋଜିତ ଏହି କାର୍ଯ୍ୟକ୍ରମ ର ପ୍ରଥମ ଦିବସରେ ସାରଳା ପୀଠରୁ ଆସିଥିବା ଘଣ୍ଟ ବାଦ୍ୟ ସହିତ ମହିଷି ମର୍ଦିନୀ ନୃତ୍ୟ ପ୍ରଦର୍ଶନ କରାଯାଇଥିଲା।ଏହାପରେ ଆରାଧନା ନୃତ୍ୟ ଗୋଷ୍ଠୀ ତରଫରୁ ଓଡ଼ିଶୀ ଓ ନୃତ୍ୟ ନାଟିକା ପ୍ରଦର୍ଶନ କରାଯାଇଥିଲା।ପରେ ପରେ ଗୀତ ମିଳନ ଆଣ୍ଡ ଅର୍କେଷ୍ଟ୍ରା ତରଫରୁ ମେଲୋଡି ପରିବେଷଣ କରାଯାଇଥିଲା।ଆମ ସଂଗଠନ ର ମୁଖ୍ୟ କମଳ କୁମାର ପାତ୍ର (ଚନ୍ଦନ)ଙ୍କ ଅଧ୍ୟକ୍ଷତାରେ ଉଦଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବିଧାୟକ ପ୍ରଶାନ୍ତ ମୁଦୁଲି,ପୂର୍ବତନ ବିଧାୟକ,ବିଭୂତି ବଳବନ୍ତରାୟ, ଶ୍ରମ ବୋର୍ଡ଼ ଚେୟାରମେନ ଶ୍ରମୟୀ ମିଶ୍ର,ବିଜେଡି ଖୋର୍ଦ୍ଧା ଜିଲ୍ଲା କୋଷାଧ୍ୟକ୍ଷ କୈଳାସ ପାତ୍ର,ସହ ପର୍ଯ୍ୟବେକ୍ଷକ ଶୁଭ୍ରାଂଶୁ ମିଶ୍ର ଜୋତିର୍ବିଦ୍ ହରିହର ମହାପାତ୍ର ଯୋଗଦେଇଥିଲେ।ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟା ସୁକନ୍ୟା ସେଠୀ, କୁନ୍ ମୁନ ଲେଙ୍କା, ସଭ୍ୟ ପବିତ୍ର ପଟେଲ,ମଙ୍ଗରାଜ ବେହେରା, ପୂର୍ବତନ ସରପଂଚ ପ୍ରଦ୍ୟୁମ୍ନ ସେନାପତି,ମିଶନ ଶକ୍ତି ସଭାପତି ପଦ୍ମିନୀ ଦାଶ,କିଶୋର ଜେନା ପ୍ରମୁଖ ଜୟଦେବ ନିର୍ବାଚନ ମଣ୍ଡଳୀ ର ବହୁ ପ୍ରମୁଖ ନେତୃ ସ୍ଥାନୀୟ ବ୍ୟକ୍ତି ଙ୍କ ସହିତ ସହସ୍ରାଧିକ ଜନସାଧାରଣ ଯୋଗ ଦେଇଥିଲେ।ପଙ୍କଜ ମହାନ୍ତି ସମସ୍ତ କାର୍ଯ୍ୟକ୍ରମ କୁ ଉପସ୍ଥାପନା କରିଥିଲେ।
