ଘଟଗାଁ,୧/୧୦-କେନ୍ଦୁଝର ଜିଲ୍ଲା ଘଟଗାଁ ବନାଞ୍ଚଳ ଅନ୍ତର୍ଗତ ଉପରଡିହା ଗ୍ରାମର ଚତୁରୀସାହି ନିକଟ ଜଂଗଲରେ ହାତୀ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି। ମୃତକ ହେଲେ ଗ୍ରାମର ବେଲ ମୁଣ୍ଡା ବୋଲି ଜଣାପଡିଛି । ସୂଚନା ଅନୁଯାୟୀ ଗତକାଲି ବେଲ ଗାଁ ନିକଟ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିବା ବେଳେ ଆଉ ଘରକୁ ଫେରିନଥିଲେ । ଘର ଲୋକେ ବହୁ ଖୋଜାଖୋଜି କରି ମଧ୍ୟ ତାଙ୍କୁ ପାଇନଥିଲେ । ଆଜି ସକାଳେ ଗାଁର କିଛି ଲୋକ ଜଙ୍ଗଲକୁ ଯାଇଥିବା ବେଳେ ତାଙ୍କୁ ମୃତ ଅବସ୍ଥାରେ ପଡିଥିବାର ଦେଖି ବନବିଭାଗ କୁ ଖବର ଦିଆଯାଇଥିଲା। ଖବର ପାଇ ଘଟଣା ସ୍ଥଳରେ ଘଟଗାଁ ବନବିଭାଗ ଓ ପୋଲିସ ପହଁଚି ଘଟଣାର ତଦନ୍ତ ଚଳାଇଛନ୍ତି। ଜଙ୍ଗଲରେ ହାତୀ ସହ ମୁହାଁମୁହିଁ ହେବାରୁ ହାତୀ ଆକ୍ରମଣରେ ବେଲ ମୁଣ୍ଡାଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।ଅନ୍ୟପକ୍ଷରେ ବନବିଭାଗ ପକ୍ଷରୁ ବେଲ ମୁଣ୍ଡାଙ୍କ ପ୍ରାଥମିକ ସହାୟତା ରାଶି ପ୍ରଦାନ କରାଯାଇଛି।
