ଆଠଗଡ଼ ତା ୧୫-୧୦-୨୩ ତିଗିରିଆ ବ୍ଲକ ବାଲିପୁଟ ପଞ୍ଚାୟତ ବିରିପୁଟ ଗ୍ରାମର ଭୂତିଆଡିହ ସାହି ଦୈତାରୀ ଦେହୁରୀ (୫୫) ଆଜି ସକାଳେ ରାଜ ମିସ୍ତ୍ରୀ କାମ ସାରି ଘରକୁ ଫେରି ନିକଟସ୍ଥ ଗ୍ରାମ ପୋଖରୀକୁ ଗାଧୋଇବା ପାଇଁ ଯାଇଥିଲେ ।ତେବେ ଅପରାହ୍ନ ୫ ଟା ସୁଦ୍ଧା ଘରକୁ ନଫେରିବାରୁ ପରିବାର ଲୋକେ ଚାରିଆଡ଼େ ଖୋଜା ଖୋଜି କରିବା ପରେ ନିରାଶ ହୋଇଥିଲେ ।ଶେଷରେ ଗ୍ରାମ ପୋଖରୀ ରେ ଏକ ଚପଲ ଭାସୁଥିବାର ଗ୍ରାମବାସୀ ଦେଖି ପରିବାର ଲୋକଙ୍କୁ ଜଣାଇଥିଲେ ।ଗ୍ରାମର ଯୁବକମାନେ ପୋଖରୀ ମଧ୍ୟରେ ପଶି ଖୋଜାଖୋଜି କରି ପୋଖରୀ ମଧ୍ୟରୁ ଦୈତାରୀ ଙ୍କୁ ଉଦ୍ଧାର କରି ଆଠଗଡ଼ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଖବର ପାଇ ତିଗିରିଆ ପୋଲିସ ଆଠଗଡ଼ ଡାକ୍ତରଖାନା ରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
