ନିରାକାରପୁର, ୨୬/୯: ଖୋର୍ଦ୍ଧା ଜିଲ୍ଲା ନିରାକାରପୁର ପୋଲିସ ର ଚୋରା ମଦ ବେପାରୀଙ୍କ ଉପରେ ତୀକ୍ଷ୍ନ ନଜର ରହିଛି। ପୂଜା ପାର୍ବଣ ଭସାଣି କୁ ନେଇ ମଦ ବେପାରୀ ସକ୍ରୀୟ ହୋଇଥିବା ବେଳେ ନିରାକାରପୁର ପୋଲିସ ପାଟ୍ରୋଲିଂ କରୁଥିବା ସମୟରେ ଗତ କାଲି ଜଣେ ମଦ ବେପାରୀ ଉକ୍ତ ଥାନା ଅନ୍ତର୍ଗତ ବୋଡଙ୍ଗରାପାଟଣା ରୁ ଧରା ପଡିଛି। ବେପାରୀ ଜଣକ ଜଂକିଆ ଥାନା ଗୋଡିପଡା ର ପ୍ରଶାନ୍ତ ସାସମଲ(୩୦) । ପୋଲିସ ଏକ ପ୍ୟାନସ ପ୍ରୋ ବାଇକ ସହ ୫ ପେଟି ଅର୍ଥାତ ୨୫ ଲିଟର ଆସ୍କା ଫଟି ଜବତ କରିଛି। ଏ ନେଇ ୨୩୬/୨୩ ରେ ଏକ ମାମଲା ରୁଜୁ କରିବା ସହ ବେପାରୀ ପ୍ରଶାନ୍ତ କୁ ଗିରଫ କରିଥିବା ସୂଚନା ଦେଇଛନ୍ତି ଥାନା ନିରୀକ୍ଷକ ସୁଚିତ୍ରା ଜେନା। ସେହିପରି ଗତକାଲି ନିରାକାରପୁର ଥାନା ଅନ୍ତର୍ଗତ ହରିପୁର ବ୍ରହ୍ମପାଟଣା ଗଣେଶ ଭସାଣି ଶୋଭାଯାତ୍ରା ଯାଉଥିବାବେଳେ ଦୁଇ ଜଣ ବ୍ୟକ୍ତି ଏକ ସ୍କୁଟିରେ ଚୋରା ମଦ ନେଇ ଯାଉଥିବାର ପୋଲିସ ଖବର ପାଇ ଥିଲେ। ପରେ ପୋଲିସ ଉକ୍ତ ଦୁଇ ଜଣକୁ ଅଟକାଇ ୨୫ ଲିଟର ଚୋରା ମଦ ଓ ଏକ ସ୍କୁଟି ଜବତ କରିବା ସହିତ ଉଜୁଡ଼ା ଗ୍ରାମର ଟୁଲୁ କୁମାର ସାହୁ, ଅଭିମାନପୁର ଗ୍ରାମର ପ୍ରସନ୍ନ ସ୍ବାଇଁ ଙ୍କୁ ଗିରଫ କରି କେସ ନଂ ୨୩୭/୨୩ରେ କୋର୍ଟ ଚାଲାଣ କରିଥିବା ଜଣାପଡିଛି।ଏହି ଚଢ଼ାଉ ଆଇଆଇସି ସୁଚିତ୍ରା ଜେନା ଙ୍କ ନିର୍ଦ୍ଦେଶରେ ଏସ ଆଇ ବସନ୍ତ କୁମାର ପଟ୍ଟନାୟକ, ଏ ଏସ ଆଇ ଏସ କେ ବେହେରା ସାମିଲ ହୋଇଥିବାବେଳେ ଏ ଏସ ଆଇ ତପନ କୁମାର ପ୍ରଧାନ କେସ ର ତଦନ୍ତ ଭାର ନେଇଥିବା ଜଣାପଡିଛି।
