ବାଲିପାଟଣା :୧୭/୦୯ : ଭୁବନେଶ୍ୱର କମିସନରେଟ ପୁଲିସ ଅଧିନ ବାଲିପାଟଣା ଥାନା ମିନା ବଜାରରୁ ୩ କୁଇଣ୍ଟାଲ ଗୋ ମାଂସ ଜବତ ହୋଇଛି | ସ୍ଥାନୀୟ ବଜରଙ୍ଗ ଦଳ କର୍ମୀ ଗୋମାତା ଙ୍କୁ କାଟି ବିକ୍ରି ହେଉଥିବା ଖବର ପାଇ ଚଢ଼ାଉ କରିଥିଲେ | ମାଂସ ଜବତ କରିବା ପରେ ପୁଲିସ କୁ ସୂଚନା ଦେଇଥିଲେ | ବାଲିପାଟଣା ପୁଲିସ ଗୋ ମାଂସ ଜବତ କରିବା ସହ ୨ କଂସେଇକୁ ଥାନା କୁ ଆଣି ଅଟକ ରଖିଛି | ଏନେଇ ବଜରଙ୍ଗ ଦଳ ତରଫରୁ ଲିଖିତ ଅଭିଯୋଗ ହେବ ବୋଲି ଜଣା ପଡିଛି |
ସୂଚନା ଅନୁସାରେ ଜୟଦେବ ପଞ୍ଚାୟତ ସାହେବ ନଗର ସ୍ଥିତ ମିନା ବଜାରରେ ଆଜି ସକାଳୁ ୨ ଟି ଷଣ୍ଢଙ୍କୁ ମାରି ମାଂସ କାଟୁଥିବା ସମ୍ପର୍କରେ କୌଣସି ସୂତରୁ ଖବର ପାଇ ବଜରଙ୍ଗ ଦଳ କର୍ମୀ ମାନେ ସେଠାରେ ପହଁଞ୍ଚି ଥିଲେ | ସତ୍ୟାସତ୍ୟ ଜାଣିବା ପରେ ପୁଲିସକୁ ଡାକି ମାଂସ ଜବତ କରିଥିଲେ | ପ୍ରାୟ ୩ କୁଇଣ୍ଟାଲ ଗୋ ମାଂସ ଜବତ ହୋଇଥିବା ସୂଚନା ମିଳିଛି | ପରେ ପୋଲିସ ସାହେବ ନଗର ଗ୍ରାମ ର ଜୁମା ଖାଁ , ରଫିକ ଖାଁ ଙ୍କୁ ଥାନାରେ ଅଟକ ରଖିଛି ।ତେବେ ବାରମ୍ବାର ଏହି ଅଞ୍ଚଳରେ ଗୋ ମାଂସ କାଟି ଚାଲାଣ ହେଉଥିବା ଅଭିଯୋଗ ହୋଇଛି | ହେଲେ ପୁଲିସ ର ନିଷ୍କ୍ରିୟତା ଯୋଗୁଁ ସାଧାରଣରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି | ଘଟଣା ର ତଦନ୍ତ ଜାରି ରହିଥିବା ଏସଆଇ ରାକେଶ ସାମଲ ସୂଚନା ଦେଇଛନ୍ତି |
