ବାଲିଗୁଡା : ଗଞ୍ଜେଇ ଚୋରା ଚାଲାଣ ବେଳେ ବେଆଇନ୍ ଗଞ୍ଜେଇ ଭର୍ତ୍ତୀ କାର୍ ଜବତ କରିବା ସହ ଜଣକୁ ଗିରଫ କରିଛି କୋଟଗଡ ପୋଲିସ୍ । କନ୍ଧମାଳ ଜିଲ୍ଲା କୋଟଗଡ଼ ଥାନା ପୋଲିସ୍ ପକ୍ଷରୁ ଗାଡ଼ି ଯାଞ୍ଚ୍ କରାଯାଉଥିବା କୃଷ୍ଣନଗର ନିକଟରେ ଏକ କାରରୁ ମିଳିଲା ଗଂଜେଇ । ସୂଚନା ପ୍ରକାରେ କୋଟଗଡ଼ ଥାନା ପୋଲିସ୍ ୫ନମ୍ବର ରାଜ୍ୟ ରାଜପଥ କୃଷ୍ଣନଗର ନିକଟରେ ଗାଡ଼ିମଟର ଯାଞ୍ଚ୍ କରୁଥିବା ବେଳେ ଏକ ମାରୁତି ସୁଜୁକି କାର୍ ନମ୍ବର -ଓଡି ୦୨-ବି ଡବ୍ଲ୍ୟୁ ୬୭୯୪ ବାଲିଗୁଡ଼ାରୁ କୋଟଗଡ଼ ଦେଇ ଯାଉଥିବା ବେଳେ କାରଟିକୁ ଅଟକାଇ ପୋଲିସ୍ ଯାଞ୍ଚ୍ କରିଥିଲା ଏବଂ ଗାଡିରୁ ୧୪ କେଜି ବେଆଇନ୍ ଗଞ୍ଜେଇ ବାହାରିଥିଲା । ଫଳରେ କୋଟଗଡ଼ ପୋଲିସ୍ ଗଞ୍ଜେଇ ସହ ଗାଡ଼ିଟିକୁ ଜବତ କରିଥିବା ବେଳେ କୋଟଗଡ଼ ଥାନା କେସ୍ ନଂ.111 /2023 U/S20B(ii), C25/29 ଅନୁଯାୟୀ ଏକ ଅବକାରୀ ମାମଲା ରୁଜୁ କରିବା ସହ କାର୍ ଚାଳକ ଲକି ବେହେରାକୁ ଗିରଫ କରି କୋର୍ଟ ଚାଲାଣ କରିଥିବା ବିଷୟ କୋଟଗଡ଼ ଥାନା ଅଧିକାରୀ ପ୍ରଦୀପ କୁମାର ରାଉଳ ସୂଚନା ଦେଇଛନ୍ତି l
