ଘଟଗାଁ,୧୫/୦୭-କେନ୍ଦୁଝର ଜିଲ୍ଲା ଘଟଗାଁ ବ୍ଲକ ପରିସରରେ ନୂତନ ମିଶନ ଶକ୍ତି କାଫେ ଉଦଘାଟିତ ହୋଇଯାଇଛି I ଘଟଗାଁ ବିଡ଼ିଓ ଉମାକାନ୍ତ ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ମନ୍ତ୍ରୀ ତଥା ଘଷିପୁରା ବିଧାୟକ ବଦ୍ରୀ ନାରାୟଣ ପାତ୍ର ଯୋଗ ଦେଇ ଫିତା କାଟି ମିଶନ ଶକ୍ତି କାଫେର ଶୁଭାରମ୍ଭ କରିଥିଲେ I ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମିଶନ ଶକ୍ତି ଜରିଆରେ ମହିଳା ମାନଙ୍କୁ ସଶକ୍ତିକରଣ କରିବା ପାଇଁ ବିଭିନ୍ନ ପଦକ୍ଷେପ ନେଉଥିବା ବେଳେ ବ୍ଲକ ସ୍ତରରେ ମିଶନ ଶକ୍ତି କାଫେ ମହିଳା ମାନଙ୍କୁ ସ୍ୱାବଲମ୍ବୀ କରିବାରେ ବେସ ସହାୟକ ହେବ ଏବଂ ମହିଳା ମାନେ ଯେପରି ଘର ପରିଚାଳନା କ୍ଷେତ୍ରରେ ନିଜର ଦକ୍ଷତା ଦେଖାଇଛନ୍ତି ସେହି ଭଳି ବ୍ଲକ ସ୍ତରରେ କାଫେ ଜରିଆ ନିଜର ଦକ୍ଷତା ଦେଖାଇବା ସହ ଜୀବିକା ନିର୍ବାହ କରିବାର ଏକ ସୁଯୋଗ ପାଇଛନ୍ତି ବୋଲି ବିଧାୟକ ବଦ୍ରୀ ନାରାୟଣ ପାତ୍ର ପ୍ରକାଶ କରିଥିଲେ । ଏହି ଉତ୍ସବରେ ଅନ୍ୟ ମାନଙ୍କ ମଧ୍ୟରେ ଘଟଗାଁ ଏବିଡ଼ିଓ ଚିତ୍ତରଂଜନ ନାୟକ,ଏପିଓ ଭୈରେବେନ୍ଦ୍ର ତ୍ରିପାଠୀ, ଓଏଲଏମ ପୂର୍ଣ୍ଣଚନ୍ଦ୍ର ,ମିସନ ଶକ୍ତିର ମହିଳା , ଏମବିକେ ଓ ସିଆରପିସିଏମ୍ ମାନେ କାର୍ଯ୍ୟକ୍ରମ ରେ ଉପସ୍ଥିତ ରହିଥିଲେ। ବ୍ଲକର ସମସ୍ତ କର୍ମଚାରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
